પાકિસ્તાનમાં રાજકીય અશાંતિ!
પાકિસ્તાનના વડા પ્રધાન શેહબાઝ શરીફે મંગળવારે રાજકીય તણાવ ઓછો કરવા માટે વિપક્ષી પાર્ટી પાકિસ્તાન તહરીક-એ-ઇન્સાફ (પીટીઆઈ) ને વાતચીતની ઓફર આપી હતી. પાર્ટીના સ્થાપક ઇમરાન ખાન અને તેમની પત્ની બુશરા બીબીને ભ્રષ્ટાચારના કેસમાં ૧૭ વર્ષની જેલની સજા ફટકારવામાં આવ્યાના થોડા દિવસો પછી આ વાત સામે આવી છે.
શરીફે ઇસ્લામાબાદમાં ફેડરલ કેબિનેટની બેઠકની અધ્યક્ષતા કરતી વખતે આ ટિપ્પણી કરી હતી, જેમાં વિપક્ષી નેતાઓના તાજેતરના સંકેતોનો ઉલ્લેખ કરવામાં આવ્યો હતો. “આજકાલ, પીટીઆઈ અને તેના સાથી પક્ષો વાતચીત વિશે વાત કરી રહ્યા છે. મેં રાષ્ટ્રીય સભામાં વારંવાર કહ્યું છે કે જાે પીટીઆઈ વાટાઘાટો માટે ગંભીર છે, તો સરકાર પણ એટલી જ તૈયાર છે,” શેહબાઝે કહ્યું.
વાતચીત ‘કાયદેસર મુદ્દાઓ‘ પર હોવી જાેઈએ: શરીફ
આ દરમિયાન, પાકિસ્તાનના વડા પ્રધાને જણાવ્યું હતું કે કોઈપણ વાટાઘાટો “કાયદેસર મુદ્દાઓ” પર કેન્દ્રિત હોવી જાેઈએ અને “બ્લેકમેલ” વિના થવી જાેઈએ. તેમણે કહ્યું હતું કે પાકિસ્તાનના વિકાસ અને સમૃદ્ધિ માટે તમામ પક્ષો વચ્ચે રાજકીય સુમેળ મહત્વપૂર્ણ છે.
તેમની ઓફર વિપક્ષી ગઠબંધન તહરીક તહફુઝ આયન-એ-પાકિસ્તાન (ટીટીએપી) ના નિવેદનને અનુસરે છે જેમાં કહેવામાં આવ્યું છે કે તે સંવાદ માટે ખુલ્લું છે. પીટીઆઈ ગઠબંધનનો સભ્ય છે. સત્તાધારી પાકિસ્તાન મુસ્લિમ લીગ-નવાઝ (પીએમએલ-એન) અને પીટીઆઈ વચ્ચે વાટાઘાટોની વ્યાપક ચર્ચા થઈ હોવા છતાં, ઔપચારિક વાટાઘાટો શરૂ કરવા માટે હજુ સુધી કોઈ નક્કર પગલાં લેવામાં આવ્યા નથી.
ગયા વર્ષે ડિસેમ્બરમાં, પીટીઆઈ અને સરકારી પ્રતિનિધિઓ વચ્ચે વાટાઘાટો ચાલી રહી હતી, પરંતુ ૯ મે, ૨૦૨૩ અને ૨૬ નવેમ્બર, ૨૦૨૪ ના રોજ થયેલા વિરોધ પ્રદર્શનો તેમજ પીટીઆઈ કેદીઓની મુક્તિની તપાસ માટે ન્યાયિક કમિશનની માંગણીઓ પર તે અટકી ગઈ હતી.
ખાને તેમની સજા બાદ વિરોધ પ્રદર્શનોનું આહ્વાન કર્યું હતું
ખાનના સમર્થકો વિરોધ પ્રદર્શન કરે તેવી અપેક્ષા હતી, પરંતુ તે પહેલાં જ વાતચીતની ઓફર આવી હતી. ખાને તેમની સજા બાદ રાષ્ટ્રવ્યાપી પ્રદર્શનોનું આહ્વાન કર્યું હતું. ભૂતપૂર્વ વડા પ્રધાનની સતત જેલવાસ અને પીટીઆઈ નેતાઓની તીવ્ર ટીકાએ રાજકીય અનિશ્ચિતતાને વધુ વેગ આપ્યો છે.
ખાન હવે બે વર્ષથી વધુ સમયથી જેલમાં છે. ઓગસ્ટ ૨૦૨૩ માં તેમને જેલમાં ધકેલી દેવામાં આવ્યા હતા અને એપ્રિલ ૨૦૨૨ માં તેમને પદ પરથી હટાવ્યા પછી દાખલ કરાયેલા અનેક કેસોનો સામનો કરી રહ્યા છે. શનિવારે, કોર્ટે તેમને અને બુશરા બીબીને તોશાખાના-ૈંૈં ભ્રષ્ટાચાર કેસમાં ૧૭-૧૭ વર્ષની જેલની સજા ફટકારી હતી.