છેલ્લા ઘણા દિવસોથી ઉત્તર પ્રદેશમાં ચાલી રહેલા શંકરાચાર્ય વિવાદ વચ્ચે, અયોધ્યામાં ય્જી્ના ડેપ્યુટી કમિશનર પ્રશાંત કુમાર સિંહે ઉત્તર પ્રદેશ સરકારના સમર્થનમાં પોતાના પદ પરથી રાજીનામું આપી દીધું છે. તેમણે શંકરાચાર્ય અવિમુક્તેશ્વરાનંદ દ્વારા આપવામાં આવેલા નિવેદનોના વિરોધમાં પોતાની નોકરી છોડી દીધી છે.
પોતાના ર્નિણયની સ્પષ્ટતા કરતા સિંહે કહ્યું કે સરકારી અધિકારીઓ રોબોટ નથી અને જ્યારે તેઓ જે સરકારમાંથી પગાર મેળવે છે તેને નિશાન બનાવવામાં આવે છે ત્યારે તેઓ ચૂપ રહી શકતા નથી. તેમણે કહ્યું કે શંકરાચાર્ય અવિમુક્તેશ્વરાનંદ મુખ્યમંત્રી વિરુદ્ધ પાયાવિહોણા આરોપો લગાવી રહ્યા છે, અને આવી સ્થિતિમાં ચૂપ રહેવું તેમને સ્વીકાર્ય નથી.
“સરકારના પક્ષમાં અને શંકરાચાર્ય સ્વામી અવિમુક્તેશ્વરાનંદનો વિરોધ કરવા માટે, મેં રાજીનામું આપ્યું છે,” તેમણે મીડિયા સાથે વાત કરતા કહ્યું.
જ્યારે તેમને પૂછવામાં આવ્યું કે શું તેઓ રાજકારણમાં જાેડાવા માંગે છે, ત્યારે પ્રશાંત કુમારે કહ્યું કે તેમની આવી કોઈ યોજના નથી પરંતુ તેઓ શક્ય તેટલી રીતે દેશની સેવા કરવા માંગે છે અને તેમનો ર્નિણય રાજકારણથી પ્રભાવિત નથી.
કુમારે રાજ્યપાલને સંબોધીને બે પાનાનું રાજીનામું સુપરત કર્યું. પોતાના રાજીનામા પત્રમાં તેમણે સ્પષ્ટપણે જણાવ્યું હતું કે તેઓ વડા પ્રધાન નરેન્દ્ર મોદી અને ઉત્તર પ્રદેશના મુખ્યમંત્રી યોગી આદિત્યનાથના સમર્થનમાં આ પગલું ભરી રહ્યા છે.
તેમણે ઉલ્લેખ કર્યો હતો કે તેઓ છેલ્લા ત્રણ દિવસથી માનસિક રીતે પરેશાન હતા, જેના કારણે તેમણે આ ર્નિણય લીધો. તેમણે વધુમાં કહ્યું કે એકવાર તેમનું રાજીનામું સ્વીકારાઈ જશે, પછી તેઓ પોતાના અંગત સંસાધનોનો ઉપયોગ કરીને સામાજિક સેવા પ્રવૃત્તિઓમાં સક્રિયપણે યોગદાન આપશે.
બરેલી સિટી મેજિસ્ટ્રેટે સરકારી નીતિઓ પર નારાજગી વ્યક્ત કરતા રાજીનામું આપ્યું
સોમવારે અગાઉ, બરેલી સિટી મેજિસ્ટ્રેટ અલંકાર અગ્નિહોત્રીએ સરકારી નીતિઓ, ખાસ કરીને નવા યુજીસી નિયમો અને શંકરાચાર્ય અવિમુક્તેશ્વરાનંદને લગતા મુદ્દાઓ પર નારાજગી વ્યક્ત કરીને પોતાના પદ પરથી રાજીનામું આપ્યું હતું. ૨૦૧૯ બેચના યુપી પીસીએસ અધિકારી અગ્નિહોત્રીએ રાજ્યપાલ અને બરેલી જિલ્લા મેજિસ્ટ્રેટ અવિનાશ સિંહને ઇમેઇલ દ્વારા રાજીનામું મોકલ્યું હતું.