જામનગર-લાલપુર હાઇવે પર આજે બોરિયા ભરેલી એક ટ્રક પલટી ગઈ હતી, જેના કારણે અકસ્માત સર્જાયો હતો.ટ્રક રોડ પર આડી પડી જતાં માર્ગનો એક ભાગ સંપૂર્ણપણે બંધ થઈ ગયો હતો. આના પરિણામે ટ્રાફિક જામની સ્થિતિ સર્જાઈ હતી.
ઘટનાની જાણ થતાં જ પોલીસ ટીમ તાત્કાલિક સ્થળ પર પહોંચી હતી. પોલીસે સ્થાનિક લોકોની મદદથી ટ્રાફિકને ડાયવર્ટ કરવાની કામગીરી હાથ ધરી હતી.સદનસીબે આ અકસ્માતમાં કોઈ જાનહાનિ થઈ નથી, પરંતુ ટ્રકને ભારે નુકસાન થયું છે. હાલ ટ્રાફિક વ્યવસ્થા ધીમે ધીમે સામાન્ય બની રહી છે અને માર્ગ પર વાહનવ્યવહાર ફરી શરૂ કરવામાં આવ્યો છે.