સંગઠિત સોનાની તસ્કરી કરતી સિન્ડિકેટ્સ સામેની પોતાની સતત કાર્યવાહીને ચાલુ રાખતા, ડિરેક્ટોરેટ ઓફ રેવન્યૂ ઈન્ટેલિજન્સ (DRI) એ દેશભરમાં બાતમી-આધારિત કામગીરીની શ્રેણી હાથ ધરી છે, જેના પરિણામે ૨૭ કિલોથી વધુ વિદેશી મૂળનું તસ્કરી કરાયેલું સોનું જપ્ત કરવામાં આવ્યું છે અને ૧૨ લોકોની ધરપકડ કરવામાં આવી છે. આ કામગીરીમાં સોનું છુપાવવાની અત્યાધુનિક પદ્ધતિઓનો પર્દાફાશ થયો છે, જેમાં એરક્રાફ્ટના શૌચાલયમાં, વાહનો અને વાસણોમાં ખાસ બનાવેલા ખાંચાઓમાં (કેવિટીઝ) અને શરીરની અંદર સોનું છુપાવવાનો સમાવેશ થાય છે, જે સંગઠિત તસ્કરી સિન્ડિકેટ્સ દ્વારા અપનાવવામાં આવતી બદલાતી મોડસ ઓપરેન્ડી પર પ્રકાશ પાડે છે.
ચોક્કસ બાતમીના આધારે કામ કરતા, મુંબઈ ખાતેના ડ્ઢઇૈં અધિકારીઓએ ૨૩-૨૪.૦૭.૨૦૨૬ ના રોજ અડીસ અબાબાથી આવેલા ત્રણ મુસાફરોને અટકાવ્યા હતા અને એરક્રાફ્ટની વ્યાપક તલાશી લીધા પછી, એરક્રાફ્ટના પાછળના શૌચાલયની સીલિંગ પેનલ્સની અંદર છુપાવેલી લગભગ ૧૨ કિલો વજન ધરાવતી વિદેશી મૂળની ૬ સોનાની બાર રિકવર કરી હતી. તપાસમાં બહાર આવ્યું છે કે મુસાફરોએ એરપોર્ટ સ્ટાફ દ્વારા બાદમાં મેળવી લેવા માટે આ સોનું છુપાવ્યું હતું. સોનું જપ્ત કરવામાં આવ્યું હતું અને ત્રણેય મુસાફરોની ધરપકડ કરવામાં આવી હતી.
૨૩.૦૭.૨૦૨૬ ના રોજ, ચોક્કસ બાતમીના આધારે કામ કરતા, ડ્ઢઇૈં ના અધિકારીઓએ ઉત્તર પ્રદેશમાં બ્રહ્મપુત્રા મેઇલમાં મુસાફરી કરી રહેલી એક મહિલા મુસાફરને અટકાવી હતી અને કમરપટ્ટામાં તથા તેની હેન્ડબેગની અંદર છુપાવેલી લગભગ ૫ કિલો વજન ધરાવતી વિદેશી મૂળની ૪૨ સોનાની બાર રિકવર કરી હતી. મુસાફરે કબૂલ્યું હતું કે બાંગ્લાદેશ મારફતે ભારતમાં સોનાની તસ્કરી કરવામાં આવી હતી. સોનું જપ્ત કરવામાં આવ્યું હતું અને મુસાફરની ધરપકડ કરવામાં આવી હતી.
મુંબઈ એરપોર્ટ ખાતે ૨૨-૨૩.૦૭.૨૦૨૬ દરમિયાન અન્ય એક બાતમી-આધારિત કામગીરીમાં, DRI અધિકારીઓએ મીણના સ્વરૂપમાં સોનાનો પાવડર (ગોલ્ડ ડસ્ટ) છુપાવવા માટે ફરીથી એરક્રાફ્ટના શૌચાલયોનો ઉપયોગ કરતી તસ્કરી સિન્ડિકેટનો પર્દાફાશ કર્યો હતો, જેને બાદમાં સાંઠગાંઠ ધરાવતા એરક્રાફ્ટ ક્લીનિંગ સ્ટાફ દ્વારા મેળવી લેવામાં આવતું હતું. આ કામગીરીમાં મીણના સ્વરૂપમાં ૩.૭ કિલો સોનાનો પાવડર જપ્ત કરવામાં આવ્યો હતો અને વાહક, ક્લીનિંગ સ્ટાફ, હેન્ડલર અને મેળવનાર સહિત પાંચ લોકોની ધરપકડ કરવામાં આવી હતી.
૧૯-૨૦.૦૭.૨૦૨૬ ના રોજ, DRI ના અધિકારીઓએ કોલકાતા રેલવે સ્ટેશન પર એક મુસાફરને અટકાવ્યો હતો અને ખાસ બનાવેલા વાસણોની અંદર ચાલાકીપૂર્વક છુપાવેલું ૪.૬ કિલો વિદેશી મૂળનું સોનું રિકવર કર્યું હતું. તપાસમાં બહાર આવ્યું છે કે આ પ્રતિબંધિત માલ મ્યાનમાર મારફતે ભારતમાં તસ્કરી કરીને લાવવામાં આવ્યો હતો. સોનું જપ્ત કરવામાં આવ્યું હતું અને મુસાફરની ધરપકડ કરવામાં આવી હતી.
અઠવાડિયા દરમિયાન, વધુ બે અલગ-અલગ કામગીરીમાં, કોચિન અને ગુવાહાટી ખાતેના ડ્ઢઇૈં અધિકારીઓએ આશરે ૨ કિલો વિદેશી મૂળનું સોનું જપ્ત કર્યું હતું. કોચિન એરપોર્ટ પર, દુબઈથી આવેલા એક મુસાફરના શરીરની અંદર છુપાવેલું સોનું રિકવર કરવામાં આવ્યું હતું, જ્યારે ગુવાહાટી ખાતે, એક કારમાં ખાસ બનાવેલી કેવિટીમાં છુપાવેલા સોનાના બિસ્કિટ જપ્ત કરવામાં આવ્યા હતા. આ કામગીરીમાં બે લોકોની ધરપકડ કરવામાં આવી હતી.