કાલાવડ તાલુકાના કાલમેઘડા ગામે ફોફળ નદીમાંથી ચેકડેમ ભરવાની યોજનાનું ખાતમુહૂર્ત થયું. 15મા નાણાપંચની ગ્રાન્ટમાંથી પાઇપલાઇન દ્વારા પમ્પિંગ કરીને ગામના ઉપરવાસના ચેકડેમમાં પાણી પહોંચાડવામાં આવશે. આનાથી ગામમાં જળસંગ્રહ વધશે અને પાણીનો સારો ઉપયોગ થશે.
આ કામગીરી ગ્રામ વિકાસ અને જળસંગ્રહને પ્રોત્સાહન આપશે. કાલમેઘડા ગ્રામ પંચાયતે સરકારી ગ્રાન્ટનો યોગ્ય ઉપયોગ કરી અન્ય ગામો માટે ઉદાહરણ પૂરું પાડ્યું છે.ખાતમુહૂર્ત પ્રસંગે કાલાવડના ધારાસભ્ય મેઘજીભાઈ ચાવડા વર્ચ્યુઅલ માધ્યમથી જોડાયા.
તાલુકા પ્રમુખ સંજયભાઈ ડાંગરિયા, તાલુકા પંચાયત પ્રમુખ સેજલબેન બથવાર, ગામના સરપંચ રવજીભાઈ સહિત અનેક આગેવાનો અને ગ્રામજનો હાજર રહ્યા.આ યોજનાથી ચેકડેમમાં પાણી સંગ્રહની સુવિધા વિકસશે. સ્થાનિક જળસંચયના પ્રયાસોને વેગ મળશે. ગ્રામ પંચાયતને આ કામગીરી બદલ અભિનંદન પાઠવવામાં આવ્યા.