મુંબઈ
આ ફિલ્મમાં સિદ્ધાર્થ મલ્હોત્રા અને રકુલ પ્રીત સિંહ પણ કામ કરી રહ્યા છે. સિદ્ધાર્થ અને રકુલ ફિલ્મમાં એકબીજાને પ્રેમ કરતા જાેવા મળવાના છે. પરંતુ સિદ્ધાર્થના પાત્રનું અચાનક મૃત્યુ થતા તે યમરાજ પાસે જાય છે. અજય અને સિદ્ધાર્થ વચ્ચેની વાતચીતથી કોમેડી જમાવામાં આવી છે.અજય દેવગણ અને ફિલ્મ દિગ્દર્શક ઇન્દ્ર કુમારના સંબંધો ફિલ્મજગતમાં બહુ સારા છે. તેઓ વરસોથી એકબીજાના મિત્ર છે. ઇન્દ્ર કુમારની આગામી ફિલ્મમાં અજય દેવગણ મુખ્ય રોલમાં જાેવા મળવાનો છે. ઇન્દ્ર કુમારની આગામી ફિલ્મ થેન્ક ગોડ એક કોમેડી ફિલ્મ હશે. જેમા અજય દેવગણ મૃત્યુના દેવતા યમરાજના પાત્રમાં જાેવા મળવાનો છે. આ ફિલ્મમાં વીએફએક્સનો ઉપયોગ ભરપુર પ્રમાણમાં કરવામાં આવશે. આ ફિલ્મમાં સ્વર્ગ અને નરકના દ્રશ્યો પણ દાખવવામાં આવશે. આ ફિલ્મને ૨૦૨૨ની મધ્યમાં રિલીઝ કરવાની યોજના છે.
