નવી દિલ્હી
ઇન્ડિયન મેડિકલ એસોસિએશન એ કેન્દ્ર સરકારને નવા પ્રકાર ઓમિક્રોનના કેસો અંગે ડોકટરો, આરોગ્ય કાર્યકરો અને સ્વચ્છતા કાર્યકરો સહિત તમામ ફ્રન્ટલાઈન કામદારોને બૂસ્ટર ડોઝ આપવા વિનંતી કરી હતી. આ સિવાય સંસદની એક સમિતિએ હાલની રસીની અસરકારકતાના મૂલ્યાંકન અને બૂસ્ટર ડોઝની જરૂરિયાત પર સંશોધનની ભલામણ કરી છે. જાે કે હજુ સુધી આ અંગે કોઈ પ્રતિક્રિયા આવી નથી. આ સાથે બાળકોના રસીકરણને લઈને પણ સવાલો ઉઠી રહ્યા છે. જાે કે કેન્દ્રીય સ્વાસ્થ્ય મંત્રી મનસુખ માંડવિયાએ થોડા દિવસો પહેલા કહ્યું હતું કે સરકાર વૈજ્ઞાનિક સલાહના આધારે બાળકોના રસીકરણ અને બૂસ્ટર ડોઝ અંગે ર્નિણય લેશે.કોરોનાના નવા વેરિએન્ટ ઓમિક્રોનને લઈને સમગ્ર વિશ્વ ચિંતામાં ગરકાવ થઈ ગયું છે. વિકસિત રાષ્ટ્રો ઉપરાંત ઘણા દેશોમાં બૂસ્ટર ડોઝની માંગ છે. વર્લ્ડ હેલ્થ ઓર્ગેનાઈઝેશનના નિષ્ણાતોના સ્ટ્રેટેજિક એડવાઈઝરી ગ્રુપની આજે બેઠક મળવા જઈ રહી છે. બેઠકમાં બુસ્ટર ડોઝને મંજૂરી આપવામાં આવે તેવી શક્યતા છે. મીટિંગમાં રોગપ્રતિકારક શક્તિ, અસરકારકતા, સલામતી, પુરાવાઓ પર પણ ચર્ચા થઈ શકે છે.
