રશિયામાં સૈન્ય અને સુરક્ષાની ટીકા કરનારાઓને ‘વિદેશી એજન્ટ’ ગણવામાં આવશે

નવી દિલ્હી
સંસદના ઉપલા ગૃહમાં રાજ્ય સાર્વભૌમત્વ સંરક્ષણ સમિતિના વડા આન્દ્રે ક્લિમોવે જણાવ્યું હતું કે “કાયદાની આ જાેગવાઈઓનો અભિવ્યક્તિની સ્વતંત્રતા સાથે કોઈ સંબંધ નથી.” તેમણે કહ્યું, “અમે બીજા દેશમાં અથવા વિદેશી માળખામાં જવાના હેતુથી માહિતીના સતત, વ્યવસ્થિત સંગ્રહ વિશે વાત કરી રહ્યા છીએ.”રશિયાની મુખ્ય સ્થાનિક સુરક્ષા એજન્સીએ એવા વિષયોની વિગતવાર યાદી બહાર પાડી છે કે જેના પર અન્ય દેશોને માહિતી પૂરી પાડનાર વ્યક્તિને “વિદેશી એજન્ટ” તરીકે ચિહ્નિત કરી શકાય છે. ભલે આ માહિતી દેશ માટે ગુપ્ત ન હોય. ફેડરલ સિક્યુરિટી સર્વિસ દ્વારા સરકારી માહિતી પોર્ટલ પર શુક્રવારે બહાર પાડવામાં આવેલા આદેશમાં સશસ્ત્ર દળોની ક્ષમતાઓ સહિત લશ્કરી અને અવકાશ કાર્યક્રમોને લગતા વિષયોની યાદી મૂકવામાં આવી છે. આવી યાદી તૈયાર કરવા માટે કાયદાની સુધારેલી આવૃત્તિમાં માંગણી કરવામાં આવી હતી. કાયદો વિદેશી એજન્ટ તરીકે વિદેશી ભંડોળ પ્રાપ્ત કરતી સંસ્થાઓના વર્ગીકરણની પણ જાેગવાઈ કરે છે. નોંધપાત્ર બાબત એ છે કે, “વિદેશી એજન્ટ” નું આ બિરુદ કેટલાક નાગરિક સંગઠનો અને અધિકારીઓની ટીકા કરતા મીડિયા પર લાગુ કરવામાં આવ્યું છે.