અમદાવાદ : બારેજા પાસે આસ્થા હોસ્પિટલમાં લાગી આગ

બારેજા પાસે આસ્થા હોસ્પિટલમાં આગ લાગતા અફરા-તફરી મચી ગઈ હતી. હોસ્પિટલમાં આગ લાગી હોવાનો કોલ મળતા અમદાવાદ ફાયરબ્રિગેડની બે ગાડીઓ રવાના કરી દેવામાં આવી છે. આસ્થા ગાયનેક એન્ડ જનરલ હોસ્પિટલમાં આગ લાગવાની ઘટના બની હતી. હોસ્પટિલમાં આગ લાગતા સ્ટાફમાં દોડાદોડી થઈ ગઈ હતી. જોકે, આગની ઘટનામાં કોઈ જાનહાનિ થઈ નથી. હોસ્પિટલમાં ચાર ઇન્ડોર પેશન્ટ હતા જેને સહીસલામત નીચે ઉતારી લેવામાં આવ્યા હતા. ફાયરની ટીમે આગ પર કાબુ મેળવી લેતા મોટી જાનહાનિ ટળી હતી.