સાંતેજના ૨ દુષ્કર્મ અને હત્યાનો આરોપી ઝડપાયો

ગાંધીનગર
મૂળ દાહોદનો અને મજૂરી કામ કરતો પરિવાર ખાત્રાજ ચોકડી પાસે રહેતો હતો, આ દરમિયાન ત્રણ વર્ષની બાળકી પણ તેમની સાથે સૂતી હતી ત્યારે આરોપી બાળકીનું અપહરણ કર્યું હતું. આ પછી આરોપીએ બાળકી પર બળાત્કાર કર્યો હોવાની શંકા છે અને તે પછી તેણે ગળું દબાવીને તેની હત્યા કરી નાખી હતી.ગાંધીનગરના સાંતેજમાં શ્રમજીવી પરિવારની ત્રણ વર્ષની બાળકીની હત્યા અને રેપના કેસમાં હજુ તપાસ ચાલી રહી છે. પ્રથામિક તપાસમાં બાળકી પર રેપ થયો હોવાની આશંકા વ્યક્ત કરાઈ રહી છે, જાેકે, ફોરેન્સિક રિપોર્ટ્‌સ આવ્યા બાદ વધુ વિગતો સામે આવશે અને તે પછી એક દિશામાં પોલીસ દ્વારા તપાસ કરવામાં આવશે. આ કેસમાં ખાત્રજ ચોકડી પાસેથી બાળકીની લાશ મળી આવી હતી. આ સિવાય ૫ વર્ષની બાળકી પર બનેલી દુષ્કર્મની ઘટનામાં આરોપી ઝડપાયો નથી, પોલીસ આ દિશામાં વધારે તપાસ કરી રહી છે. ૩ વર્ષની બાળકીના કેસમાં કથિત બળાત્કારી ૨૬ વર્ષના વિજયજી ઠાકોર નામના યુવકની પોલીસ દ્વારા ધરપકડ કરી લેવામાં આવી છે. આ સાઈકો કિલરની વધુ તપાસ કરવામાં આવી રહી છે. ગાંધીનગર ક્રાઈમ બ્રાન્ચને આ કેસમાં વિજયજી ઠાકોરને ઝડપી પાડવામાં સફળતા મળી છે ત્યારે બીજા કેસ સાથે આ શખ્સનું કોઈ કનેક્શન છે કે નહીં તે અંગે પણ તપાસ કરવામાં આવી શકે છે. આ અંગે પોલીસે જણાવ્યું છે કે, ૫ નવેમ્બરે રાત્રે સાંતેજમાં શ્રમજીવી પરિવારની બાળકી પરિવાર સાથે સૂતી હતી ત્યારે અજાણ્ય શખ્સ લઈ ગયો હતો. જે બાદ તેની લાશ મળી આવી હતી અને પોલીસ દ્વારા આ મામલે તપાસ કરવામાં આવી રહી છે. આજે ૩ વર્ષની બાળકી પર બળાત્કાર અને હત્યાના કેસમાં પોસ્ટમોર્ટમ રિપોર્ટ આવવાનો છે, જેમાં બાળકી પર ઝડપાયેલા નરાધમે બળાત્કાર ગુજાર્યો છે કે કેમ તેની સ્પષ્ટતા થઈ જશે. આ સિવાય લગભગ ૫ વર્ષની બાળકી પર દુષ્કર્મ આચરવામાં આવ્યું હોવાની ઘટનામાં પોલીસ આરોપી સુધી પહોંચી શકી નથી. આ કેસમાં પોલીસ દ્વારા અલગ-અલગ ટીમ બનાવીને આરોપીની શોધખોળ કરવામાં આવી રહી છે.