સુરતી મહિલાઓએ મોલમાંથી કાજુ-બદામની ચોરી કરી ઃ સીસીટીવીમાં ઝડપાઈ ગઈ

સુરત
સુરતના સરથાણા વિસ્તારમાં આવેલા ડી-માર્ટની છે. હાલ, દિવાળીનો માહોલ જામ્યો છે, ત્યારે કેટલાંક લોકો શોપિંગ મોલમાંથી ખરીદી કરવાનું પસંદ કરતા હોય છે. સરથાણાની ડી-માર્ટમાં પણ ચાર મહિલાઓ ખરીદીના બહાને ગઈ હતી. દિવાળીના તહેવારને લઈને કાજુ-બદામ જેવા ડ્રાયફ્રૂટ્‌સની કેટલાંક લોકો ધૂમ ખરીદી કરતા હોય છે. આ દરમિયાન એક સગર્ભા સહિત ચાર મહિલાએ ડી-માર્ટમાંથી કાજુ-બદામના પેકેટની ચોરી કરી હતી. સીસીટીવી કેમેરામાં કેદ થયેલી ઘટનામાં દેખાય છે કે, બે મહિલાઓ મોલમાં અંદર પ્રવેશ કરે છે. પછી ખરીદી કરવાનું નાટક કરીને કોઈ જાેઈ ન જાય એ રીતે કાજુ-બદામની ચોરી કરે છે. મહિલા કાજુ-બદામના પેકેટ્‌સને પોતાના કપડાની અંદર સંતાડી છે. આ ચોરીની ઘટના મોલમાં લગાવવામાં આવેલા સીસીટીવીમાં કેદ થઈ ગઈ હતી. આખરે મહિલાની ચોરી પકડાઈ ગઈ હતી. પોલીસે આ ચારેય ચોર મહિલાની ધરપકડ કરીને આગળની કાર્યવાહી હાથ ધરી છે. આ મહિલાઓ ત્યારે ઝડપાઈ કે જ્યારે સિક્યુરિટી ગાર્ડે મેનેજરને વાત કરી. તેણે કહ્યું કે, કેટલીક મહિલાઓ તેના કપડામાં વસ્તુઓ છૂપાવીને લઈ જઈ રહી છે. એ પછી મહિલાઓને રોકવા માટે બૂમાબૂમ કરી તો તેઓ કારમાં બેસી ગઈ અને છટકી ગઈ હતી. એ પછી સુરક્ષાના ભાગરૂપે આ મહિલાઓના સીસીટીવી ફૂટેજ અન્ય મોલમાં પણ મોકલવામાં આવ્યા હતા. આ મહિલાઓ વરાછાના ડી-માર્ટમાં પ્રવેશી હતી. ત્યાં ઘી, કાજુ-બદામની ચોરી કરવાના ઈરાદે ગઈ હતી. એ જ સમયે તેનો ભાંડો ફૂટી ગયો હતો. આ મહિલાઓની ચોરી કરવાની મોડસ ઓપરેન્ડી પણ અનોખી હતી. ખેર, આવી મહિલાઓથી અન્ય લોકોએ પણ ચેતવાની જરૂર છે.આજકાલ ચોરો ચોરી કરવાની પણ નીત નવી તરકીબ શોધી કાઢતા હોય છે. ચોરી કરવામાં માત્ર પુરૂષો જ નહીં મહિલાઓ પણ એટલી સિફતપૂર્વક ચોરી કરે છે કે તમને જાણીને નવાઈ લાગશે. આવી ચોરી કર્યા બાદ જ્યારે ભાંડો ફૂટે ત્યારે આખો મામલો સામે આવતો હોય છે. હવે ચોર લોકો શોપિંગ મોલને પણ નિશાન બનાવી રહ્યાં છે. આવા જ એક શોપિંગ મોલમાંથી ચાર મહિલાઓ ચોરી કરતા ઝડપાઈ છે. તેની ચોરી કરવાની રીત મોલના સીસીટીવીમાં કેદ થઈ હતી.