ગુજરાત પ્રદેશ ભાજપ સંગઠનનું માળખું જાહેર કરવામાં આવેલ છે જેમાં ગુજરાત પ્રદેશ ભાજપના પ્રમુખ દ્વારા સાત ઉપપ્રમુખ, પાંચ મહામંત્રી સહિતની ટીમ જાહેર કરાઈ છે ત્યારે ઉપપ્રમુખમાં મોરબી જિલ્લામાંથી રાજ્યના માજી મંત્રી અને હળવદના માજી ધારાસભ્ય જયંતીભાઇ કવાડીયાનો સમાવેશ કરવામાં આવ્યો છે જેથી કરીને હળવદ શહેર ગ્રામ્ય ભાજપ દ્વારા ફટાકડા ફોડી મીઠાઈ વેચીને ખુશી વ્યક્ત કરી હતી. ગુજરાત પ્રદેશ ભાજપના પ્રમુખ તરીકેની સી.આર.પાટીલ દ્વારા જવાબદારી સંભળવામાં આવી ત્યારે બાદ સૌપ્રથમ રાજ્યના તમામ જિલ્લાઓમાં ભાજપના જિલ્લા ભાજપ પ્રમુખની જાહેરાત કરવામાં આવી હતી.
હાલમાં રાજ્યના અલગ અલગ જિલ્લાઓની અંદર ભાજપના હોદ્દેદારોની વરણી કરવાની પ્રક્રિયા ચાલી રહી છે તેવામાં આજ રોજ ગુજરાત પ્રદેશ સંગઠન માળખું જાહેર કરવામાં આવેલ છે જેમાં સાત ઉપપ્રમુખ, પાંચ મહામંત્રી અને આઠ મંત્રી સહિતની કુલ મળીને ૨૨ હોદેદારોની ટીમ જાહેર કરવામાં આવી છે જેમાં મોરબી જિલ્લામાંથી ગુજરાત રાજ્યના માજી મંત્રી અને હળવદના માજી ધારાસભ્ય જયંતીભાઈકવાડીયાનો ગુજરાત પ્રદેશ ભાજપમાં ઉપપ્રમુખ તરીકે સમાવેશ કરવામાં આવ્યો છે જેથી કરીને મોરબી અને હળવદ શહેર ગ્રામ્ય ભાજપ દ્વારા ફટાકડા ફોડી મીઠાઈ વેચી ને ખુશી વ્યક્ત કરી હતી.