પેટ્રોલ-ડીઝલમાં છેતરપિંડીની ફરિયાદ પર મંત્રી મુકેશ પટેલ જાતે જ ચેકિંગ કરવા પહોંચ્યા

સુરત
કેન્દ્ર અને રાજ્ય સરકાર દ્વારા જ્યારથી પેટ્રોલ-ડીઝલના ભાવમાં ઘટાડો થયો છે, ત્યારથી બે-ત્રણ વખત ફરિયાદ મળતા અમે જાતે જ પેટ્રોલ પમ્પ પર તપાસ કરવા માટે પહોંચ્યા હતા. મુકેશ પટેલે પોતાની જ કારમાં ડીઝલ ભરાવતા ડિસ્પ્લે ન દેખાતા શંકા ગઈ હતી. ત્યારબાદ પૂરવઠા અધિકારીને બોલાવ્યા હતા અને તપાસ કરતા પેટ્રોલ-ડીઝલ ઓછું ભર્યું હોવાનું સામે આવ્યું હતું. તેમણે વધુમાં જણાવ્યા અનુસાર, અન્ય પેટ્રોલ પંપ ઉપર પણ આ રીતે ચેકિંગ કરવામાં આવશે. છેલ્લા ઘણા દિવસથી પેટ્રોલ પંપ પર પેટ્રોલ અને ડીઝલ ઓછું મળતાની ફરિયાદ પર સુરતમાં ધારાસભ્ય અને મંત્રી જાતે જ પેટ્રોલ પંપ પર ચેકિંગ માટે પહોંચ્યા હતા. દરમિયાન ખાતરી કરવા માટે મંત્રી મુકેશ પટેલે જાતે જ પોતાની કારમાં ડીઝલ ભરાવતા ડીઝલ ઓછું ભર્યું હોવાની શંકા થતાં તાત્કાલિક પુરવઠા વિભાગને જાણ કરવામાં આવી હતી. જેમાં તપાસ દરમિયાન ખરેખર ડીઝલ ઓછું ભર્યું હોવાનું સામે આવતા પુરવઠા વિભાગે પંપને સીલ કરીને વધુ તપાસ હાથ ધરી હોવાનું જાણવા મળ્યું છે. ધારાસભ્ય અને મંત્રી મુકેશ પટેલને પેટ્રોલ પમ્પ પર પેટ્રોલ ઓછું પુરતા હોવાની ફરિયાદ કરવામાં આવી હતી. જેને લઈને મંત્રી પોતે પેટ્રોલ પંપ પર રાત્રિ ચેકિંગ માટે ગયા હતા. મુકેશ પટેલે તપાસ કરવા માટે પોતાની જ કારમાં ડીઝલ ભરાવ્યું હતું. જાે કે, તેમની સાથે પણ એવો જ બનાવ બન્યો. પેટ્રોલ પંપ પર ડીઝલ ઓછું ભરવામાં આવતા મંત્રીએ પુરવઠા વિભાગને જાણ કરી હતી અને પુરવઠા વિભાગે પેટ્રોલ પંપને સીલ માર્યું હતું.