મુંબઈ
પ્રખ્યાત ટેલિવિઝન અને ફિલ્મ અભિનેતા યુસુફ હુસૈને આજે સવારે અંતિમ શ્વાસ લીધા. ફિલ્મ નિર્માતા હંસલ મહેતાએ સોશિયલ મીડિયા પર તેમના સસરા માટે એક ભાવનાત્મક પોસ્ટ શેર કરી અને તેમના મૃત્યુ પર શોક વ્યક્ત કર્યો. તેના મૃત્યુનું કારણ હજુ સુધી જાણી શકાયું નથી. હંસલ મહેતાએ લખ્યું, ‘મેં શાહિદના ૨ શેડ્યૂલ પૂરા કર્યા. અને અમે ફસાઈ ગયા હતા. હું ચિંતામાં હતો. ફિલ્મ નિર્માતા તરીકેની મારી અસ્થિર કારકિર્દી લગભગ પૂર્ણપણે સમાપ્ત થઈ ગઈ હતી. તેણે મારી પાસે આવીને કહ્યું કે મારી પાસે ડિપોઝીટ છે અને જાે તમે આટલી ચિંતા કરો છો તો મારાથી કોઈ ફાયદો નથી. તેણે ચેક લખ્યો. શાહિદ પૂર્ણ થઈ ગઈ. તે યુસુફ હુસૈન હતા. મારા સસરા નહીં પણ પિતાજી. મારું જીવન હતા.’ હંસલે આગળ લખ્યું કે જાે જીવનને એક સ્વયંના રૂપમાં સામે આવવાનું હોય તો આજ ત રૂપ આ દૂનિયામાંથી ચાલ્યું ગયું છે. સ્વર્ગની તે બધી સ્ત્રીઓને યાદ અપાવવા માટે કે તેઓ ‘દુનિયાની સૌથી સુંદર છોકરી’ છે અને બધા પુરુષો ‘હસીન યુવાનો’ છે. અને પછી તે બધાને આવતો એક શાનદાર અવાજ ‘લવ યુ લવ યુ લવ યુ’ની સાથે બધુ પૂર્ણ કરવા માટે. યુસુફ સાબ આ નવા જીવન માટે હું તમારો આભારી છું. આજે હું ખરેખર અનાથ છું. જીવન ક્યારેય પહેલા જેવું નહીં રહે. હું તમને ખૂબ યાદ કરીશ. મારી ઉર્દૂ તૂટી જશે. અને હા – લવ યુ લવ યુ લવ યુ!’ અભિનેતા મનોજ બાજપેયી, પૂજા ભટ્ટ, સંજય ગુપ્તા, અભિષેક બચ્ચન અને અન્યોએ પણ આ દુઃખની ઘડીમાં હંસલ અને પત્ની સફીના હુસૈન પ્રત્યે સંવેદના વ્યક્ત કરી છે.
