મુંબઈ
ભારતીય ટીમને દક્ષિણ આફ્રિકાના પ્રવાસ પર ત્રણ ટેસ્ટ મેચની શ્રેણી રમવાની છે, જેના માટે મયંક અગ્રવાલનો પણ ટીમમાં સમાવેશ કરવામાં આવ્યો છે. મયંક અત્યારે શાનદાર ફોર્મમાં છે. તેણે હાલમાં જ ન્યુઝીલેન્ડ સામેની વાનખેડે ટેસ્ટમાં સદી ફટકારી હતી અને ટીમને જીત અપાવવામાં મહત્વની ભૂમિકા ભજવી હતી.ભારતે તાજેતરમાં ન્યુઝીલેન્ડને ઘરઆંગણે બે મેચની ટેસ્ટ શ્રેણીમાં હરાવ્યું હતું. કાનપુરમાં રમાયેલી પ્રથમ મેચમાં જાે કે કીવી ટીમે જાેરદાર સ્પર્ધા બતાવીને મેચ ડ્રો કરી હતી, પરંતુ મુંબઈમાં રમાયેલી બીજી ટેસ્ટ મેચમાં ભારતે જાેરદાર પ્રદર્શન કર્યું હતું અને જીત મેળવી હતી. તેની જીતનો હીરો ઓપનર મયંક અગ્રવાલ હતો, જેણે શાનદાર બેટિંગ કરી હતી. ભારતીય ટીમ દક્ષિણ આફ્રિકાના પ્રવાસ માટે ૧૬ ડિસેમ્બરે મુંબઈથી રવાના થવા જઈ રહી છે. આ પહેલા ખેલાડીઓએ મુંબઈમાં ત્રણ દિવસ ક્વોરેન્ટાઈનમાં રહેવું પડશે. આ માટે ખેલાડીઓએ તેમના ઘર છોડી દીધા છે. મયંક અગ્રવાલ પણ આ ટીમનો એક ભાગ છે અને ઘર છોડતા પહેલા તેણે એક ખાસ તસવીર શેર કરી હતી. મયંક અગ્રવાલે એક તસવીર શેર કરી છે જેમાં તે તેની દાદી સાથે જાેવા મળી રહ્યો છે. એક તસવીરમાં મયંક અગ્રવાલની દાદી તેને ચાંદલો કરી રહી છે. બીજી તસવીરમાં તે તેના માથા પર ચોખા નાખતી જાેવા મળે છે. આ પછી મયંક અગ્રવાલ દાદીના ચરણ સ્પર્શ કરતો જાેવા મળ્યો હતો. મુંબઈ ટેસ્ટ મેચની બંને ઇનિંગ્સમાં મયંકે શાનદાર બેટિંગ કરી અને રન બનાવ્યા. આ દરમિયાન તેણે ન્યૂઝીલેન્ડના સ્પિનરોને પણ સારી રીતે રમાડ્યા હતા. લક્ષ્મણે કહ્યું છે કે સ્પિનરો સામે મયંકની બેટિંગ બેજાેડ હતી. મયંકે કેપ્શનમાં લખ્યું છે કે, ‘મારી કોઈ પણ ટૂર આના વિના શરૂ થતી નથી. કપાળ પર દાદીમાની ટીકા અને તેમના આશીર્વાદ. તેમના આશીર્વાદ મારો પાયો છે. આ લાગણીઓ અને યાદો અમૂલ્ય છે. મયંકની આ ઈમોશનલ પોસ્ટ ફેન્સને ઘણી પસંદ આવી રહી છે. ૧લી ટેસ્ટ મેચ, ૨૬-૩૦ ડિસેમ્બર ૨૦૨૧, સુપરસ્પોર્ટ પાર્ક, સેન્ચુરિયન ૨જી ટેસ્ટ મેચ, ૦૩-૦૭ જાન્યુઆરી ૨૦૨૨, ઇમ્પિરિયલ વાન્ડરર્સ, જાેહાનિસબર્ગ ત્રીજી ટેસ્ટ મેચ, ૧૧-૧૫ જાન્યુઆરી ૨૦૨૨, સિક્સ ગન ગ્રિલ ન્યુલેન્ડ્સ, કેપ ટાઉન પ્રવાસ માટે સામેલ ખેલાડીઓ પ્રથમ મુંબઈમાં એકસાથે આવશે, બાયો બબલમાં રહેશે અને પછી ૧૬ ડિસેમ્બરે મુંબઈથી દક્ષિણ આફ્રિકા જવા રવાના થશે.
