વોર્મ-અપ મેચમાં રાહુલ ચાહરે ઉખાડ્યુ સ્ટંપ

મુંબઈ
ઓસ્ટ્રેલિયા તરફથી સ્ટીવ સ્મિથે સૌથી વધુ ૫૭ રન બનાવ્યા હતા. તેણે ૪૮ બોલનો સામનો કર્યો અને સાત ચોગ્ગા ફટકાર્યા. મેક્સવેલ અને સ્મિથ સિવાય માર્કસ સ્ટોઈનિસે તોફાની ઈનિંગ રમી હતી. તેણે ૨૫ બોલમાં ચાર ચોગ્ગા અને એક છગ્ગાની મદદથી અણનમ ૪૧ રન બનાવ્યા હતા. આ મેચમાં ભારતની કેપ્ટનશીપ કરનાર રોહિત શર્માએ ૪૧ બોલમાં ૬૦ રન બનાવ્યા હતા. તેણે પાંચ ચોગ્ગા અને ત્રણ છગ્ગા ફટકાર્યા હતા. સૂર્યાકુમાર યાદવે અણનમ ૩૮ અને હાર્દિક પંડ્યાએ ૧૪ રન બનાવ્યા હતા. કેએલ રાહુલે ૩૯ રન બનાવ્યા હતા.સંયુક્ત આરબ અમીરાત (ેંછઈ) અને ઓમાન માં રમાઈ રહેલા ટી ૨૦ વર્લ્‌ડ કપ માં ભારતે તેની બંને પ્રેક્ટિસ મેચ રમી છે અને શાનદાર પ્રદર્શન કરીને તે બંને જીતી છે. પ્રથમ મેચમાં ભારતે ઈંગ્લેન્ડને અને બીજી મેચમાં ઓસ્ટ્રેલિયાને હરાવ્યું હતું. બીજી મેચમાં ઓસ્ટ્રેલિયાએ પ્રથમ બેટિંગ કરતા ૨૦ ઓવરમાં પાંચ વિકેટ ગુમાવી ૧૫૨ રન બનાવ્યા હતા. જવાબમાં ભારતીય ટીમે બે વિકેટના નુકસાને ૧૭.૫ ઓવરમાં લક્ષ્યાંક હાંસલ કર્યો હતો. આ મેચમાં ઓસ્ટ્રેલિયાનો સ્કોર મોટો હોત, પણ વિરાટ કોહલી ના કારણે, રાહુલ ચાહરે મોટી વિકેટ લઈને આમ ન થવા દીધું. ચાહરે ઓસ્ટ્રેલિયાના મહત્વના બેટ્‌સમેન ગ્લેન મેક્સવેલ ને પેવેલિયનનો રસ્તો બતાવ્યો. રાહુલ ચાહરે ૧૨ મી ઓવરના પાંચમા બોલ પર મેક્સવેલને બોલ્ડ કર્યો હતો. પોતાની ત્રીજી ઓવર લાવનાર મેક્સવેલે રાહુલને ચોગ્ગા સાથે આવકાર્યો હતો. તેણે રિવર્સ સ્વીપ પર આ બાઉન્ડ્રી ફટકારી હતી. આ પછી કોહલીએ ચાહર સાથે વાત કરી અને તેને સમજાવ્યું. પરિણામ એ આવ્યું કે આ પછી રાહુલે સતત ત્રણ ખાલી બોલ ફેંક્યા અને પછીના બોલ પર મેક્સવેલને બોલ્ડ કર્યો. મેક્સવેલે ૨૮ બોલમાં પાંચ ચોગ્ગા ફટકાર્યા હતા. આ સાથે મેક્સવેલ અને સ્મિથની ભાગીદારીનો અંત આવ્યો.મેક્સવેલ ૈંઁન્ ૨૦૨૧ માં વિરાટ કોહલીના નેતૃત્વમાં રોયલ ચેલેન્જર્સ બેંગ્લોર તરફથી રમ્યો હતો. આ ટીમ સાથે રમતી વખતે તેણે મજબૂત પ્રદર્શન કર્યું હતું અને અત્યારે સારા ફોર્મમાં છે. જાેકે મેક્સવેલ આઈપીએલમાં ફ્લોપ થવા માટે જાણીતો છે, પરંતુ આ સિઝનમાં તેણે પોતાનો આ ડાઘ દૂર કર્યો અને સારી બેટિંગ કરીને સારા સંખ્યામાં રન બનાવ્યા. આઈપીએલની આ સીઝન તેની શ્રેષ્ઠ સિઝનમાંથી એક રહી છે. આ સિઝનમાં તેણે ૧૫ મેચ રમી અને ૫૧૩ રન બનાવ્યા હતા. તેણે આ રન ૪૨.૭૫ ની સરેરાશથી બનાવ્યા છે. દરમિયાન તેણે છ અડધી સદી ફટકારી છે. તેનો સ્ટ્રાઇક રેટ ૧૪૪.૧૦ રહ્યો છે. વિરાટ કોહલીને તેની સાથે રમવાનો ફાયદો મળ્યો. તેણે રાહુલને મેક્સવેલને કેવી રીતે શાંત રાખવો તે કહ્યું હશે. રાહુલે એ જ કર્યું અને સફળ પણ થયો.