પાલનપુર
ફરી એક વાર પોલીસ દ્વારા એક પ્રસંસનીય કામ કરવામાં આવ્યું છે, અમીરગઢ પોલીસને એક ઇનોવા ગાડી નંબર-ય્ત્ન૧૮મ્દ્ભ૩૨૯૫માં દારૂ ભરી રાજસ્થાન, અમીરગઢ થઇ પાલનપુર તરફ લઈ જવાનો છે એવી ખાનગી બાતમી મળી હતી. જેના આધારે પોલીસ પેટ્રોલિંગમાં હતી એ દરમિયાન ઉપરોક્ત હકિકતને આધારે નાકાબંધી કરી આ ગાડીને રોકી તપાસ કરતાં તેમાંથી ભારતીય દારૂની ૯૦૨ જેટલી બોટલો મળી આવતા અમીરગઢ પોલીસે ગાડી સહીત બે ઇસમની અટકાયત કરી હતી. પોલીસે ગાડીમાંથી પકડાયેલી ૧ લાખ ૯૦ હજાર રૂપિયાની કિંમતની ૯૦૨ જેટલી બોટલો, ઈનોવા ગાટી તેમજ ૪૭૦ રૂપિયા સહીત રૂ. ૬ લાખ ૨૭ હાજર ૪૭૦નો કુલ મુદ્દામાલ કબ્જે કર્યો હતો. જેની સાથે પોલીસે રાજસ્થાનના યોગેશ મીણા અને સુભાષ યાદવને પકડી પાડી પ્રોહિબિશન એક્ટ મુજબ અમીરગઢ પોલીસ સ્ટેશને કાયદેસરની કાર્યવાહી હાથ ધરી હતી. અમીરગઢ પોલીસે દ્વારા પેટ્રોલિંગ દરમિયાન બાજુ ના રાજ્ય રાજસ્થાન તરફથી દારૂ ભરીને આવતી ઈનોવા કારને ઝડપી પાડી હતી. જેના પગલે તેમણે રૂ. ૬ લાખ ૨૭ હજાર કરતાં વધુનો મુદ્દામાલ કબ્જે લઇ બે ઈસમની અટકાયત કરી આગળની કાર્યવાહી હાથ ધરી હતી.
