અફઘાનિસ્તા
તાલિબાન છેલ્લા શાસનથી બદલાઈ ગયા છે. તાલિબાનના નવા શાસન દરમિયાન દેશના ૩૪માંથી ૧૦ પ્રાંતોમાં છોકરીઓ ૧૨મા ધોરણ સુધી શાળામાં જઈ રહી છે. ખાનગી શાળાઓ અને યુનિવર્સિટીઓ સરળતાથી ચાલી રહી છે. અને ૧૦૦% મહિલાઓ કે જેઓ અગાઉ આરોગ્ય ક્ષેત્રે કામ કરતી હતી તે કામ પર પાછી ફરી છે. “આ દર્શાવે છે કે અમે મહિલાઓની ભાગીદારીના સિદ્ધાંત માટે પ્રતિબદ્ધ છીએ,” મુત્તકીએ યુએસ નેવી જનરલ ફ્રેન્ક મેકેન્ઝીની ટીપ્પણીને નકારી કાઢી હતી, જેમણે ગયા અઠવાડિયે એપીને જણાવ્યું હતું કે, યુએસ દળોની પીછેહઠ પછી અલ કાયદાએ અફઘાનિસ્તાનમાં થોડો પગ જમાવ્યો છે. મેકેન્ઝી મધ્ય પૂર્વમાં વોશિંગ્ટનના ટોચના લશ્કરી કમાન્ડર છે. મુત્તાકીએ રવિવારે કહ્યું હતું કે. તાલિબાને ઓગસ્ટમાં તેમની પાછી ખેંચવાના અંતિમ તબક્કામાં યુએસ અને નાટો દળો પર હુમલો નહીં કરવાનું વચન પાળ્યું છે. સોમવારે એક પ્રેસ કોન્ફરન્સમાં વ્હાઇટ હાઉસના પ્રેસ સેક્રેટરી જેન સાકીએ કહ્યું કે, અફઘાનિસ્તાન પાસે બહુ ઓછો ભંડાર બચ્યો છે. તેમણે કહ્યું કે, પરિસ્થિતિમાં ટૂંક સમયમાં બદલાવના કોઈ સંકેત નથી. સાકીએ કહ્યું કે, અમેરિકાના પૈસા હવે દેશમાં ૯/૧૧ હુમલાના પીડિતો પર ખર્ચવામાં આવશે આ હુમલાઓ અલ-કાયદા દ્વારા કરવામાં આવ્યા હતા અને તાલિબાન પર આરોપ છે કે તેઓ અફઘાનિસ્તાનમાં અલ-કાયદાને ખીલવા દેતા હતા. તેમણે કહ્યું કે, જાે ફંડ રિલીઝ કરવામાં આવે તો પણ વોશિંગ્ટન એ સુનિશ્ચિત કરશે કે તેનાથી તાલિબાનને ફાયદો ન થાય. સંયુક્ત રાષ્ટ્ર અને અન્ય સંસ્થાઓએ કહ્યું છે કે, આ નાણાં તાલિબાન દ્વારા નહીં પણ દાન દ્વારા જઈ રહ્યા છે.અફઘાનિસ્તાનના નવા શાસક, તાલિબાન, છોકરીઓ, મહિલાઓને શિક્ષણ અને નોકરી આપવાના સિદ્ધાંત માટે પ્રતિબદ્ધ છે. તે જ સમયે, તેઓ તેમના અગાઉના શાસનની રીતો બદલવા માંગે છે. તે ઇચ્છે છે કે, આખું વિશ્વ એવા લાખો અફઘાન લોકોને મદદ કરીને “દયા અને કરુણા”બતાવે જેમને અત્યારે સહાયની સખત જરૂર છે. તાલિબાનના એક ટોચના નેતાએ એક ઈન્ટરવ્યુમાં આ વાત કહી છે. વાસ્તવમાં, અફઘાનિસ્તાનને માનવતાવાદી સહાયની જરૂર છે, પરંતુ અમેરિકા સહિત ઘણા દેશોએ તાલિબાનની પીછેહઠ બાદથી નાણાં મોકલવાનું બંધ કરી દીધું છે. અફઘાનિસ્તાનના વિદેશ મંત્રી અમીર ખાન મુત્તાકીએ પણ એસોસિએટેડ પ્રેસ (એપી)ને આપેલા ઈન્ટરવ્યુમાં કહ્યું કે, તાલિબાન સરકાર તમામ દેશો સાથે સારા સંબંધો ઈચ્છે છે અને તેને અમેરિકા સાથે કોઈ સમસ્યા નથી. તેમણે યુએસ અને અન્ય દેશોને યુએસ ઇં૧૦ બિલિયન ફંડ રિલીઝ કરવા વિનંતી કરી હતી. જે ૧૫ ઓગસ્ટના રોજ તાલિબાન સત્તામાં આવ્યા પછી અટકાવવામાં આવી હતી. મુત્તાકીએ રાજધાની કાબુલમાં સ્થિત વિદેશ મંત્રાલયની ઈમારતમાં રવિવારે એક ઈન્ટરવ્યુ દરમિયાન કહ્યું, “અફઘાનિસ્તાન પર પ્રતિબંધ લાદવાનો કોઈ ફાયદો થશે નહીં.” “અફઘાનિસ્તાનને અસ્થિર કરવું અથવા અફઘાન સરકારને નબળી કરવી એ કોઈના હિતમાં નથી.” તાલિબાનના અધિકારીઓએ કહ્યું છે કે, તેઓ લિંગના આધારે ઇસ્લામ અનુસાર શાળાઓ અને કાર્યસ્થળોને અલગ કરવા માંગે છે અને તેમને સમયની જરૂર છે.
