ગેરકાયદે કોલોનીઓને બંધ કરવામાં આવશે ઃ પંજાબના મહેસૂલ મંત્રી બ્રહ્મશંકર ઝિમ્પા

ચદીગઢ
પંજાબના મહેસૂલ-પુનર્વસન અને આપત્તિ વ્યવસ્થાપન મંત્રી બ્રહ્મશંકર ઝિમ્પાએ કહ્યુ કે ગેરકાયદે કોલોનીઓને બંધ કરવામાં આવશે. સરકારે પ્લોટોનુ રજિસ્ટ્રેશન સુચારુ બનાવવા અને સંપત્તિ સાથે સંબંધિત છેતરપિંડીથી લોકોને બચાવવા માટે ગેરકાયદે તેમજ અનધિકૃત કોલોનીઓમાં પ્લોટની નોંધણી માટે સ્પષ્ટ સૂચનાઓ જાહેર કરી છે. સરકારે કહ્યુ છે કે હવે એવી કૉલોનીઓની યાદી જાહેર કરો જ્યાં એનઓસીની જરુર નથી હોતી. આવાસ નિર્માણ અને શહેરી વિકાસ અને સ્થાનિક નિગમ વિભાગોને કહેવામાં આવ્યુ છે કે તે ક્ષેત્રના વિવરણો, ખસરા નંબરો અને મંજૂર લે-આઉટ યોજના સાથે-સાથે લાયસન્સવાળા, અધિકૃત કૉલોનીઓ, સ્કીમોની યાદીઓ પ્રકાશિત કરે જેનાથી આ ક્ષેત્ર સ્પષ્ટ રીતે પરિભાષિત કરી શકાય જ્યાં વેચાણખત અથવા અધિકારોના સ્થાનાંતરણને લગતા દસ્તાવેજાેની નોંધણી માટે એનઓસીની જરુર નથી. આ યાદીઓ તમામ સબ-રજિસ્ટ્રાર પાસે ઉપલબ્ધ હશે અને તેઓ મહેસૂલ વિભાગ દ્વારા જાહેર કરાયેલી સૂચનાઓ અનુસાર વસાહતોની સ્થિતિ તપાસ્યા પછી વેચાણ દસ્તાવેજાેની નોંધણી કરશે. આ પહેલા સરકાર દ્વારા કોઈ સ્પષ્ટ સૂચના આપવામાં આવી ન હતી. જેના કારણે આ ગેરકાયદેસર વસાહતો શહેરોની બહાર અસ્તિત્વમાં આવી હતી. મળતી માહિતી મુજબ છેલ્લા ૫ વર્ષમાં ૧૫ હજારથી વધુ કોલોનીઓ બનાવવામાં આવી છે. મહેસૂલ મંત્રી બ્રહ્મ શંકર ઝિમ્પાએ જણાવ્યુ હતુ કે આ ગેરકાયદે વસાહતો માત્ર રાજ્યના ક્રૂર શહેરીકરણનુ કારણ નથી પરંતુ સામાન્ય લોકો માટે ઘણી મુશ્કેલીઓ પણ ઊભી કરી રહી છે.