નવીદિલ્હી
આજે એટલે કે ૨૫ ડિસેમ્બરે દેશના પૂર્વ વડાપ્રધાન, ભારત રત્ન અટલ બિહારી વાજપેયીની ૯૮મી જન્મજયંતિ છે. વડા પ્રધાન નરેન્દ્ર મોદી સહિત સમગ્ર કેબિનેટે વાજપેયીના સ્મારક સ્થળ ‘સદૈવ અટલ’ની મુલાકાત લીધી હતી અને શ્રદ્ધાંજલિ આપી હતી. અટલ રાજકારણી ઉપરાંત કવિ પણ હતા. જ્યારે તેઓ સંસદમાં બોલવા માટે ઉભા થતા ત્યારે તેમના વિરોધીઓ પણ તેમને શાંતિથી સાંભળતા હતા. ૩૧ મે ૧૯૯૬ના રોજ સંસદમાં આપેલું તેમનું ભાષણ ભારતીય લોકતંત્રમાં હંમેશાં યાદ રહેશે. ૩૧ મે, ૧૯૯૬ના રોજ સંસદમાં વિશ્વાસ મત દરમિયાન અટલજીએ કહ્યું હતું કે, “સરકારો આવશે અને જશે, પરંતુ આ દેશ અને તેની લોકશાહી રહેવી જાેઈએ.” તેમની આ વાત ભારતીય લોકશાહીમાં હંમેશાં ગુંજતી રહેશે. અટલજીએ પોતાના સિદ્ધાંતો માટે પોતાની સરકારનું બલિદાન આપ્યું હતું. સંસદમાં વિશ્વાસ પ્રસ્તાવ પરના ભાષણ દરમિયાન અટલજીએ કહ્યું હતું કે, “આજે દેશ સંકટથી ઘેરાયેલો છે અને અમે આ સંકટ પેદા કર્યા નથી. જ્યારે પણ જરૂર પડી ત્યારે અમે તે સમયની સરકારને સમસ્યાનો ઉકેલ લાવવામાં મદદ કરી છે. સત્તાનો ખેલ તો ચાલશે, સરકારો આવશે અને જશે, પક્ષો બનશે, પરંતુ આ દેશ રહેવો જાેઈએ, આ દેશની લોકશાહી અમર રહેવી જાેઈએ.” અટલજીએ નરસિમ્હા રાવ સરકારના કાર્યકાળની યાદોને ગૃહની સામે રાખી હતી. અટલજીએ સંસદમાં કહ્યું હતું કે, “આ ચર્ચા આજે સમાપ્ત થશે, પરંતુ આવતીકાલથી જે પ્રકરણ શરૂ થશે, તે પ્રકરણ પર થોડું ધ્યાન આપવાની જરૂર છે. આ કડવાશ વધવી જાેઈએ નહીં. જે રીતે આરોપો લગાવવામાં આવ્યા હતા. આરએસએસની કોઈ જરૂર નથી. લોકોમાં આરએસએસ માટે આદર છે. જાે તેઓ ઝૂંપડપટ્ટીમાં કામ કરવા જાય છે, જાે તેઓ આદિવાસી વિસ્તારોમાં જઈને શિક્ષણ ફેલાવે છે, તો આ માટે તેમને સંપૂર્ણ સહકાર આપવો જાેઈએ.” ૧૯૯૬માં લોકસભામાં અવિશ્વાસ પ્રસ્તાવ પર ચર્ચા દરમિયાન અટલજીએ કહ્યું હતું કે, “જાે હું પાર્ટીને તોડીને સત્તામાં આવવા માટે નવા ગઠબંધન કરીશ, તો મને તે સત્તાને સ્પર્શવાનું પણ પસંદ નથી.” ૧૯૯૬માં અટલજીને માત્ર ૧૩ દિવસ સરકાર ચલાવવાનો મોકો મળ્યો. ૧૯૯૮માં ફરી એકવાર સાથી પક્ષો છૂટા પડ્યા અને ૧૩ મહિનામાં અટલજીની સરકાર પડી ગઈ. ૧૯૯૯માં થયેલી ચૂંટણીમાં દેશની જનતાએ ફરી એકવાર અટલજીમાં વિશ્વાસ વ્યક્ત કર્યો અને આ વખતે તેમણે આખા પાંચ વર્ષ સરકાર ચલાવી હતી.
