નવીદિલ્હી
દેશમાં એટીએમફ્રોડની ઘટનાઓ ચિંતાજનક સ્તરે વધી રહી છે ત્યારે સ્ટેટ બેંક ઓફ ઈન્ડિયાએ તેના એટીએમ કાર્ડ યુજર્સને છેતરપિંડીથી બચાવવા માટે એક સુરક્ષાત્મક પગલું લઈને આવ્યું છે. આ પગલા સાથે ભારતની સૌથી મોટી સરકારી બેંકનો હેતુ સાયબર ક્રાઈમ ઘટાડવાનો છે. સ્ટેટ બેંક ઓફ ઈન્ડિયાએ તેના ગ્રાહકોના નાણાંની સુરક્ષા માટે સંખ્યાબંધ સુવિધાઓ શરૂ કરી છે જેથી નાણાકીય જરૂરિયાતો પૂરી થાય તેમજ સુરક્ષાનું પણ ધ્યાન રાખવાનો પ્રયાસ કરાઈ રહ્યો છે. આ નવા પગલામાં સ્ટેટ બેંક ઓફ ઈન્ડિયા એ એટીએમ વ્યવહારોને વધુ સુરક્ષિત બનાવવા માટે ઓ.ટી.પી-(વન ટાઇમ પાસવર્ડ) આધારિત વ્યવહારનો નવો નિયમ રજૂ કર્યો છે. નવી સિસ્ટમનો ઉપયોગ કરીને ગ્રાહકો માત્ર ઓ.ટી.પી દાખલ કરીને જ એટીએમમાંથી રોકડ ઉપાડી શકશે. ગ્રાહકોને પહેલા તેમના મોબાઈલ ફોન પર એક ઓ.ટી.પી મળશે જે દાખલ કરી એટીએમમાંથી રોકડ ઉપાડી શકાય છે. આ પગલું છેતરપિંડી અટકાવવામાં મદદ કરશે. એટીએમ ક્લોનિંગ અથવા અન્ય છેતરપિંડીઓ ટાળવામાં મદદરૂપ થશે કારણ કે ઓ.ટી.પી વિના કોઈ રોકડ વ્યવહાર થશે નહીં. એટીએમમાં મોબાઈલ ફોન પર મળેલો ઓ.ટી.પી દાખલ કર્યા પછી જ પૈસા ઉપાડી શકાશે. સ્ટેટ બેંક ઓફ ઈન્ડિયાએ હાલમાં જ એક ટ્વીટમાં આ નવા ફીચરની જાહેરાત કરી છે. સ્ટેટ બેંક ઓફ ઈન્ડિયાએ એટીએમ આધારિત કેશ ટ્રાન્ઝેક્શનને છેતરપિંડી કરનારાઓ સામે એક પ્રકારનું રસીકરણ ગણાવ્યું છે. જે રીતે કોરોનાની રસીથી તેને પરાજિત કરવામાં આવી રહ્યો છે તેવી જ રીતે ઓ.ટી.પી આધારિત વ્યવહારો દ્વારા છેતરપિંડી અટકાવવામાં આવશે. બેંકે કહ્યું છે કે તેની પ્રાથમિકતા ગ્રાહકોને છેતરપિંડીથી બચાવવાની છે. ઓ.ટી.પી આધારિત રોકડ વ્યવહારોની વિગતો આપતા ટિ્વટર પર આ પોસ્ટમાં એક નાનો વીડિયો પણ ઉમેરવામાં આવ્યો છે. નવી સિસ્ટમ કેવી રીતે કામ કરશે વર્ષ ૨૦૨૦ માં સ્ટેટ બેંક ઓફ ઈન્ડિયાએ સુરક્ષાને ધ્યાનમાં રાખીને ઓ.ટી.પી આધારિત એટીએમ ટ્રાન્ઝેક્શનની સિસ્ટમ રજૂ કરી હતી. આ વખતે આ જ સિસ્ટમ રિફ્રેશ કરવામાં આવી છે અને વધુ સુરક્ષા પગલાં ઉમેરવામાં આવ્યા છે. રોકડ ઉપાડતા પહેલા ગ્રાહકના રજિસ્ટર્ડ મોબાઇલ નંબર પર એક ઓ.ટી.પી આવશે જે એટીએમ પર વેરિફાય કરવાનું રહેશે. જાે આ ઓટીપી એટીએમમાં ??વેરિફાઈ નહીં થાય તો કેશ બહાર આવશે નહીં. તેથી રોકડ ઉપાડવા માટે તમારો રજિસ્ટર્ડ મોબાઈલ તમારી સાથે રાખવાની જરૂર પડશે. નિયમો માત્ર સ્ટેટ બેંક ઓફ ઈન્ડિયા એટીએમમાં જ કામ કરશે આ નિયમ ફક્ત સ્ટેટ બેંક ઓફ ઈન્ડિયા એટીએમ અથવા ડેબિટ કાર્ડ ધારકો માટે છે. જાે તમારી પાસે અન્ય બેંક કાર્ડ છે અને તમે સ્ટેટ બેંક ઓફ ઈન્ડિયા એટીએમમાંથી પૈસા ઉપાડી રહ્યા છો તો ઓ.ટી.પીની જરૂર પડશે નહીં. જાે તમે સ્ટેટ બેંક ઓફ ઈન્ડિયા કાર્ડ ધારક છો પરંતુ અન્ય બેંકના એટીએમમાંથી પૈસા ઉપાડી રહ્યા હોવ તો પણ તમે ઓ.ટી.પી સુવિધાનો લાભ લઈ શકશો નહીં. સ્ટેટ બેંક ઓફ ઈન્ડિયા કાર્ડની સાથે સ્ટેટ બેંક ઓફ ઈન્ડિયા પાસે એટીએમ પણ હોવું જાેઈએ. આ કિસ્સામાં ઓ.ટી.પી આધારિત એટીએમ ટ્રાન્ઝેક્શન થશે. ગ્રાહકો સ્ટેટ બેંક ઓફ ઈન્ડિયા એટીએમ પર સ્ટેટ બેંક ઓફ ઈન્ડિયા કાર્ડમાંથી પૈસા ઉપાડવાનું શરૂ કરે છે કે તરત જ તેમના મોબાઈલ ફોન પર ૪ અંકનો ઓ.ટી.પી આવશે. એટીએમમાં ??કાર્ડ નાખ્યા બાદ એક વિન્ડો ખુલશે જેમાં ઓ.ટી.પી દાખલ કરવાનો રહેશે. તેનાથી ઓ.ટી.પી વેરિફાય થશે અને એટીએમમાંથી પૈસા ઉપાડવામાં આવશે.
