ટ્રાફિક સિગ્નલ પર સામાન વેચતી મહિલાને કપિલ શર્માએ પુછ્યું તમે મારો શો જુવો છો

નવીદિલ્હી
કપિલે તાજેતરમાં જ તેના આગામી શોનો પ્રોમો શેર કર્યો હતો, જેમાં તેણે નશાની હાલતમાં કેટલીક વાંધાજનક ટ્‌વીટ કરી હતી અને તેના પર ઘણો હોબાળો થયો હતો, ત્યારે તેણે કિસ્સો પણ સંભળાવ્યો હતો. તેણે મજાકિયા અંદાજમાં કહ્યું કે ટ્‌વીટ કરીને તે માલદીવ ભાગી ગયો હતો અને ત્યાં ગયો હતો અને કહ્યું હતું કે એક રૂમ આપો જ્યાં ઇન્ટરનેટ ન હોય. તે ૮-૯ દિવસ ત્યાં રહ્યો અને ૯ લાખ રૂપિયા ખર્ચ્યા હતા. કપિલ સાથે ઘણા વિવાદો જાેડાયેલા છે. આ ટ્‌વીટ સિવાય તેના કો-સ્ટાર સુનીલ ગ્રોવર અને ચંદન પ્રભાકર સાથેના અણબનાવના પણ અહેવાલ હતા. વર્ષ ૨૦૧૫માં તેણે ક્રૂઝ પાર્ટીમાં નશાની હાલતમાં ખરાબ વર્તન કર્યું હતું, જેની ખૂબ ચર્ચા થઈ હતી કપિલે ટીવી પર ‘કોમેડી નાઈટ્‌સ વિથ કપિલ’ અને ‘ધ કપિલ શર્મા શો’ જેવા સફળ શો કર્યા છે. તેણે ગિન્ની ચતરથ સાથે લગ્ન કર્યા છે અને તેના બે બાળકો છે.કપિલ શર્માએ પોતાની કોમેડીથી દર્શકોને ખૂબ હસાવ્યા છે. તેણે શોમાં સ્ટેન્ડ-અપ કોમેડીથી તેની શરૂઆત કરી હતી અને તે પોતાનો શો ચલાવે છે અને દર્શકોનું મનોરંજન કરે છે. આ શોથી કપિલે દરેક લોકોના દિલમાં પોતાનું અલગ સ્થાન બનાવ્યું છે. તેમણે ગરીબોથી લઈને મોટી હસ્તીઓમાં પોતાનીએક ઓળખ ઉભી કરી દીધી છે. જેની સાબિતીનો વીડિયો હાલમાં જ વાયરલ થયો છે. વીડિયોમાં કપિલ ટ્રાફિક સિગ્નલ પર સામાન વેચતી મહિલાઓને પૂછે છે કે શું તમે ‘ધ કપિલ શર્મા શો’ જુઓ છો? તો બંને મહિલાઓ ખુશીથી કહે છે કે હા, જાેઈએ છીએ. જવાબમાં કપિલે પણ તેમનો આભાર માન્યો અને કહ્યું, ‘તમારા પ્રેમ માટે આભાર. સાલ મુબારક.’ કપિલ શર્મા તેની કરિયરમાં વધુ એક મોટી સિદ્ધિ હાંસલ કરવા જઈ રહ્યો છે. તે ટૂંક સમયમાં નેટફ્લિક્સ પર તેના શો માં જાેવા મળશે, જ્યાં તે દર્શકોનું મનોરંજન કરતો જાેવા મળશે. કદાચ તે પોતાના જીવનના ઉતાર-ચઢાવને પણ રમુજી રીતે રજૂ કરશે. આ શો ૨૮ જાન્યુઆરી ૨૦૨૨ના રોજ પ્રસારિત થશે.