નવીદિલ્હી
અફઘાન હથિયાર તાલીબાનને મળી ગયા હતા. રિપોર્ટ્સ પ્રમાણે અફઘાન હથિયાર ડિલર તાલિબાનના લડાકુઓ પાસેથી આ હથિયારો ખરીદીને પાક-અફઘાન સીમા પર જાહેરમાં દુકાનોમાં વેચી રહ્યા છે. પાકિસ્તાનના રસ્તે જ અફઘાનિસ્તાનથી ડ્રગ્સ પણ ઈન્ટરનેશનલ માર્કેટ સુધી પહોંચાડવામાં આવે છે. પાકિસ્તાન અને અફઘાનિસ્તાન વચ્ચે અંદાજે ૨૪,૦૦૦ કિલોમીટરની સીમા મળે છે. જ્યાંથી ડ્રગ્સને ખૈબર પખ્તુખા પહોંચાડવામાં આવે છે. અહીંથી ડ્રગ્સ લાહોર અને ફૈસલાબાદ લઈ જવામાં આવે છે. ત્યારપછી તેનો મોટો જથ્થો કરાચીના રસ્તે સાઉથ એશિયાના માર્કેટમાં પહોંચે છે.અફઘાનિસ્તાનમાં તાલિબાન પર પાકિસ્તાનને હથિયાર સપ્લાય કરવાનો આરોપ લગાવવામાં આવી રહ્યો છે. હથિયારોનું બજાર દિવસેને દિવસે મોટું થઈ રહ્યું છે. આ હથિયારોનો ઉપયોગ ભારત વિરુદ્ધ કરવામાં આવે તેવી શક્યતા છે. જાેકે તાલિબાન સતત એ વાત પર ભાર આપી રહ્યું છે કે, તેઓ એક સારા તાલિબાન છે અને હથિયારો તાલિબાન સુધી ના પહોંચે તે માટે જરૂરી પગલાં લઈ રહ્યા છે. હકિકતમાં ઓગસ્ટ ૨૦૨૧માં અફઘાનિસ્તાનથી ગયા પછી અમેરિકન સૈનિકોએ બહુ બધા હથિયારો ત્યાં જ છોડી દીધા હતા. કાબુલ પર કબજાે કરી લીધા પછી અમેરિકાના હથિયારો અફઘાનિસ્તાનને મળી ગયા હતા.
