દિલ્હી મહિલા આયોગના અધ્યક્ષે જામા મસ્જિદ પ્રશાસનને નોટિસ પાઠવી

નવીદિલ્હી
દિલ્હીની જામા મસ્જિદ પ્રશાસન દ્વારા આવો આદેશ જાહેર કરવામાં આવ્યો છે, જેને લઇને સોશિયલ મીડિયા પર હંગામો મચી ગયો છે. હકીકતમાં, મસ્જિદ પ્રશાસન દ્વારા આદેશ જાહેર કરવામાં આવ્યો છે કે હવે યુવતીઓને મસ્જિદમાં પ્રવેશ આપવામાં આવશે નહીં. આ અંગે દિવાલો પર નોટિસ ચોંટાડી દેવામાં આવી છે. જામા મસ્જિદમાં છોકરીઓના પ્રવેશ પર પ્રતિબંધ મુકવામાં આવ્યો છે. આ અંગે નોટિસો પણ ચોંટાડી દેવામાં આવી છે. આવી જ એક નોટિસ પર લખવામાં આવ્યું છે કે, “જામા મસ્જિદમાં છોકરી કે યુવતીઓનો એકલા પ્રવેશ પ્રતિબંધિત છે.” આ નોટિસ દિલ્હીમાં જામા મસ્જિદના કાર્યાલય દ્વારા મૂકવામાં આવી છે. આ સાથે નોટિસ પર ઈમેલ આઈડી પણ લખવામાં આવ્યું છે. જાેકે હજુ સુધી દીકરીઓના પ્રવેશ પર પ્રતિબંધ શા માટે મૂકવામાં આવ્યો છે તેનું કારણ જણાવવામાં આવ્યું નથી. બીજી તરફ દિલ્હી મહિલા આયોગના અધ્યક્ષ સ્વાતિ માલીવાલે જામા મસ્જિદ પ્રશાસનને નોટિસ પાઠવી છે. તેમણે ટ્‌વીટ કર્યું કે જામા મસ્જિદમાં મહિલાઓના પ્રવેશ પર રોક લગાવવાનો ર્નિણય બિલકુલ અયોગ્ય અને ખોટો છે. જેટલો પુરુષને પૂજા કરવાનો અધિકાર છે એટલો જ સ્ત્રીને પણ. હું જામા મસ્જિદના ઈમામને નોટિસ આપી રહી છું. આ રીતે મહિલાઓના પ્રવેશ પર પ્રતિબંધ મૂકવાનો કોઈને અધિકાર નથી. જામા મસ્જિદમાં મહિલાઓના પ્રવેશ પર પ્રતિબંધને લઈને વિશ્વ હિન્દુ પરિષદે કહ્યું કે આ કટ્ટરવાદી વિચારકોએ ઈરાનમાં બનેલી ઘટનાઓમાંથી બોધપાઠ લેવો જાેઈએ. વીએચપીના પ્રવક્તા વિનોદ બંસલે કહ્યું કે ભારતને સીરિયા બનાવવાની માનસિકતા ધરાવતા મુસ્લિમ કટ્ટરપંથીઓએ ઈરાનમાં બનેલી ઘટનાઓમાંથી બોધપાઠ લેવો જાેઈએ. એક તરફ ભારત સરકાર બેટી બચાવો-બેટી પઢાવો સહિતની અનેક યોજનાઓ ચલાવીને છોકરીઓને સશક્ત બનાવવાનો પ્રયાસ કરી રહી છે, તો બીજી તરફ આવી કટ્ટર માનસિકતા ધરાવતા લોકો તેમના પવિત્ર સ્થાનમાં જ તેમનો પ્રવેશ અટકાવી રહ્યા છે. વિનોદ બંસલે એઆઇએમઆઇએમ ચીફ અસદુદ્દીન ઓવૈસી પર નિશાન સાધતા કહ્યું કે ક્યાં છે ભાગ્યનગરનો ભડકાઉ ભાઈજાન જે સ્વપ્ન જાેતો હતો કે બુરખા પહેરેલી બહેન દેશની વડાપ્રધાન બનશે. તેમને પહેલા મસ્જિદમાં પ્રવેશવા દો ભારતમાં એવી કોઈ મસ્જિદ નથી જ્યાં મહિલાઓ પુરુષોની સાથે નમાઝ અદા કરી શકે. દીકરીઓની આઝાદી અને તેની આઝાદી પર બેડીઓ લગાવનારાઓએ સમજવું જાેઈએ કે આખી દુનિયામાં દીકરીઓ ચંદ્ર પર પહોંચી ગઈ છે પણ તેઓ તેમને મસ્જિદમાં બેસવા દેતા નથી. બંસલે કહ્યું કે દીકરીઓ પર પ્રતિબંધ મૂકવાને બદલે આ લોકોએ પોતાની માનસિકતા બદલવી જાેઈએ.