નવીદિલ્હી
પશ્ચિમ બંગાળમાં કોરોના વાયરસના કેસ પશ્ચિમ બંગાળમાં ઝડપથી ફેલાઈ રહ્યા છે. છેલ્લા ૨૪ કલાકમાં ૬,૦૭૮ નવા કેસ નોંધાયા છે. સોમવારે ૩૧,૦૩૦ કોરોના ટેસ્ટ કરવામાં આવ્યા હતા, જેમાં ૬ હજારથી વધુ નવા પોઝિટિવ કેસ સામે આવ્યા હતા. હવે રાજ્યમાં એક્ટિવ કેસની કુલ સંખ્યા વધીને ૨૦૧૮૯ થઈ ગઈ છે. આ સાથે, ડિસ્ચાર્જ દર ૯૭.૫૮% નોંધવામાં આવ્યો છે, જ્યારે મૃત્યુ દર ૧.૨૦% નોંધવામાં આવ્યો છે. ડેઇલી પોઝિટિવીટી દર ૧૯.૫૯% નોંધવામાં આવ્યો છે. અત્યાર સુધીમાં ૧૪,૯૯,૦૭૭ કોરોના ટેસ્ટ કરવામાં આવ્યા છે. બાબુલ સુપ્રિયોએ ટ્વીટ કર્યું, “હું, મારી પત્ની, પપ્પા, ઘણા કર્મચારીઓ, બધા કોરોના સંક્રમિત થયા છીએ, પરંતુ મારી ચિંતા કોકટેલ જૅબની કિંમત ૬૧૦૦૦/- છે જે ખૂબ છે આ દવા જે ગંભીર રીતે બીમાર ર્ઝ્રંફૈંડ્ઢ૧૯ દર્દીઓને ર્જીંજી તરીકે આપવાની જરૂર છે. મારા પિતા જે ૮૪ વર્ષના છે તેમના માટે આ જરૂરી છે. હું તેને અત્યારે જ ખરીદવા માંગુ છું. આર્થિક રીતે નબળા લોકો ને તે કેવી રીતે પોષાય? મને ગરીબ લોકોની ચિંતા સતાવી રહી છે. કેન્દ્રીય ગૃહ પ્રધાન અમિત શાહ અને કેન્દ્રીય આરોગ્ય પ્રધાન મનસુખ માંડવિયાના ટ્વીટને ટેગ કરીને તેમણે લખ્યું કે સંપૂર્ણ રસીકરણ થયું છે. આથી સરકારને ચાલી રહેલા રસીકરણ અભિયાનની સાથે સાથે આ જબ સરકારી હોસ્પિટલોમાં પણ ઉપલબ્ધ છે. તેને પૂર્ણ કરવા માટે તમારે ઝડપથી કામ કરવું પડશે. રસીકરણ જરૂરી છે પરંતુ કોકટેલ એ સમયની જરૂરિયાત છે. જણાવી દઈએ કે બાબુલ સુપ્રિયો આસનસોલ ભાજપના સાંસદ હતા, પરંતુ વિધાનસભા ચૂંટણી બાદ તેઓ ભાજપ સાથે નાતો તોડીને ટીએમસીમાં જાેડાયા હતા અને સતત ભાજપ પર નિશાન સાધી રહ્યા છે.પૂર્વ કેન્દ્રીય રાજ્ય મંત્રી અને હાલમાં ટીએમસી નેતા બાબુલ સુપ્રિયો તેમના પત્ની અને પિતા કોરોના સંક્રમિત થયા છે. બાબુલ સુપ્રિયોએ ટ્વીટ કરીને આ માહિતી આપી હતી.
