મહારાષ્ટ્ર સરકારના ૨૫ ધારાસભ્યો ભાજપના સંપર્કમાં ઃ રાવસાહેબ દાનવે

નવીદિલ્હી
મહારાષ્ટ્રમાં આગામી ચૂંટણીને ધ્યાનમાં રાખીને રાજકીય વાતાવરણ ગરમાવા લાગ્યું છે. ભાજપના નેતા અને કેન્દ્રીય રેલ્વે રાજ્ય મંત્રી રાવસાહેબ દાનવેના નિવેદનથી રાજકીય વર્તુળોમાં ખળભળાટ મચી ગયો છે. દાનવેએ મોટો ખુલાસો કરતા કહ્યું છે કે મહા વિકાસ આઘાડી સરકારના ૨૫ ધારાસભ્યો ભાજપના સંપર્ક છે. દાનવેના કહેવા પ્રમાણે ઠાકરે સરકારના આ ૨૫ ધારાસભ્યો મહારાષ્ટ્રના વિધાનસભા સત્રનો બહિષ્કાર કરવા જઈ રહ્યા હતા. હાલમાં પણ તેઓ ભાજપના સંપર્કમાં છે. કેન્દ્રીય મંત્રીએ કહ્યું કે જાે ચૂંટણી નજીક આવશે તો બધા એક પછી એક બહાર આવશે અને ભાજપમાં જાેડાશે. રાજસાહેબ દાનવેને ગઈ કાલે હોળીના દિવસે જન્મદિવસની શુભકામનાઓ પાઠવી હતી. આ જ પ્રસંગે પત્રકારો સાથે વાતચીત કરતી વખતે તેમણે આ નિવેદન આપ્યું હતું. શિવસેનાના સાંસદ સંજય રાઉતે આજે તેમના નિવેદનનો જવાબ આપ્યો છે. રાવસાહેબ દાનવેના આ નિવેદનથી મહારાષ્ટ્રના રાજકારણમાં ખળભળાટ મચી ગયો છે. રાવસાહેબ દાનવે જેમની વાત કરી રહ્યા છે તે ૨૫ અસંતુષ્ટ ધારાસભ્યો કોણ છે તે જાણવા માટે લોકો ઉત્સુક છે. પરંતુ શિવસેનાના સાંસદ સંજય રાઉતે રાવસાહેબ દાનવેના આ નિવેદનને પાયાવિહોણું અને તથ્યહીન ગણાવ્યું છે. સંજય રાઉતે કહ્યું, ‘કહેવાય છે કે હોળીમાં ભાંગ પીવો. પરંતુ જ્યાં સુધી હું જાણું છું, રાવસાહેબ દાનવે ભાંગ પીતા નથી. તેણે આવું કેમ કહ્યું, તે ફક્ત તે જ જાણતા હશે. મને આશ્ચર્ય થાય છે કે તેણે ૨૫ને બદલે ૭૫ કેમ ન કહ્યું? જાે તેણે ભાંગ પીધી હોત તો રાત્રે નશો ઉતરી ગયો હોત. આજે તેઓ શું કહે છે, તે જાેવાનું રહેશે. આ મુદ્દે પોતાની પ્રતિક્રિયા આપતા ભાજપના પ્રદેશ અધ્યક્ષ ચંદ્રકાંત પાટીલે રાવસાહેબ દાનવેના નિવેદનને યોગ્ય ઠેરવ્યું હતું. તેમણે આજે પત્રકારોને જણાવ્યું હતું કે ‘એનસીપી નેતા અને નાયબ મુખ્યપ્રધાન અજિત પવારે ફંડ આપવાનો ઈનકાર કર્યા પછી શિવસેનાના ઘણા ધારાસભ્યોએ સીએમ ઉદ્ધવ ઠાકરેને પત્ર પણ લખ્યો હતો. વિધાનસભામાં વિરોધ પક્ષના નેતા દેવેન્દ્ર ફડણવીસે સાબિત કર્યું હતું કે અજિત પવારે એનસીપીને ૫૭ ટકા ફંડ આપ્યું હતું. આ પછી શિવસેનાને સૌથી ઓછું અને કોંગ્રેસને સૌથી ઓછું ફંડ આપવામાં આવ્યું હતું. આવી સ્થિતિમાં એનસીપી સિવાય અન્ય પાર્ટીઓના ધારાસભ્યો અસંતુષ્ટ છે. તમને જણાવી દઈએ કે અજિત પવાર રાજ્યના નાયબ મુખ્યમંત્રીની સાથે નાણા મંત્રી પણ છે.