ન્યુ દિલ્હી
ભારતનાં ડ્રાઇવિંગ લાઇસન્સ પર એક વર્ષ માટે યુકેમાં ડ્રાઇવિંગ કરી શકો છો.જેમાં ઇંગ્લેન્ડ, સ્કોટલેન્ડ અને વેલ્સનો સમાવેશ થાય છે. જાે કે, તમે ભારતીય ડ્રાઇવિંગ લાઇસન્સમાં જે પ્રકારનું વાહન દર્શાવ્યું હોય તે જ ચલાવી શકો છો. ભારતીય ડ્રાઇવિંગ લાઇસન્સની ઇંગ્લિશ કોપી સાથે, તમે ન્યૂ સાઉથ વેલ્સ, ક્વીન્સલેન્ડ, સાઉથ ઓસ્ટ્રેલિયા અને ઓસ્ટ્રેલિયન કેપિટલમાં ડ્રાઇવિંગ કરી શકો છો. તમારા લાઇસન્સમાં જે કલાસનું વાહન દર્શાવ્યું હોય તે જ ચલાવી શકો છો. નોર્ધન ટેરિટરીમાં તમે ભારતીય ડ્રાઈવિંગ લાયસન્સ પર માત્ર ત્રણ મહિના માટે જ વાહન ચલાવી શકો છો. ન્યુઝીલેન્ડમાં વાહન ચલાવવા તમારી ઉંમર ઓછામાં ઓછી ૨૧ વર્ષ હોવી જરૂરી છે, તમે ઇંગ્લીશમાં (અથવા માન્ય ટ્રાન્સલેશન સાથે) ભારતીય ડ્રાઇવિંગ લાઇસન્સ સાથે એક વર્ષ સુધી વાહન ચલાવી શકો છો. સિંગાપોરમાં આંતરરાષ્ટ્રીય ડ્રાઇવિંગ લાઇસન્સ જરુરી છે, પરંતુ તમે માન્ય ભારતીય ડ્રાઇવિંગ લાઇસન્સની ઇંગ્લીશ કોપી સાથે એક વર્ષ સુધી વાહન ચલાવી શકો છો. તમે મલેશિયામાં ભારતીય ડ્રાઇવિંગ લાઇસન્સની ઇંગ્લિશ કોપી સાથે વાહન ચલાવી શકો છો. જાે તે ઇંગ્લિશમાં ન હોય, તો સંબંધિત સત્તાવાળા અથવા મલેશિયામાં ભારતીય દૂતાવાસે પ્રમાણિત કરેલી ઇંગ્લિશ અથવા મલયમાં ટ્રાન્સલેટ કરેલી કોપી સાથે રાખી શકો છો. દક્ષિણ આફ્રિકાનાં સુંદર શહેરો અને ગામડાંઓમાં ફરવું એક એનોખો અનુભવ છે. ભારતીય લાયસન્સ ઇંગ્લિશમાં હોય અને તેમાં તમારો ફોટો હોય તો તમે વાહન ચલાવી શકો છો. દક્ષિણ આફ્રિકાની કેટલીક વાહનો ભાડે આપતી કંપનીઓ ઇન્ટરનેશનલ ડ્રાઇવિંગ પરમિટની માગણી કરે છે, તેથી કાર ભાડે લેતા પહેલા કોલ કરીને જરુરી માહિતી મેળવી લેવી જરુરી છે. જર્મનીમાં ભારતીય ડ્રાઇવિંગ લાઇસન્સ ધરાવતા પ્રવાસીઓ છ મહિના સુધી વાહન ચલાવી શકે છે. જાેકે તમારું લાઇસન્સ અંગ્રેજીમાં (અથવા જર્મન) હોવું જાેઈએ. જર્મનીમાં વાહન ચલાવવા માટે ઇન્ટરનેશનલ ડ્રાઇવિંગ પરમિટ રાખવી ફરજિયાત નથી, તેમ છતાં તેને સાથે રાખવી હિતાવહ છે.કારણ કે ડોક્યુમેન્ટમાં ટ્રાન્સલેશન હોય છે જેથી લોકલ અધિકારીઓને તમારા ડોક્યુમેન્ટ્સની ચકાસણીમાં આસાની થાય છે. એક વર્ષ સુધી તમારા ભારતીય ડ્રાઇવિંગ લાઇસન્સ સાથે સ્વિટ્ઝર્લેન્ડના સુંદર રસ્તાઓ પર વાહન ચલાવી શકાય છે. તમારી પાસે અંગ્રેજીમાં તમારા ડ્રાઇવિંગ લાઇસન્સની કોપી હોય તો તમે ત્યાં વાહન ભાડે લઇ શકો છો. તમે ભારતીય ડ્રાઇવિંગ લાઇસન્સ સાથે સ્વીડનમાં ફરી શકો છો પરંતુ તેની કોપી અંગ્રેજી, સ્વીડિશ, જર્મન, ફ્રેન્ચ અથવા નોર્વેજિયન ભાષામાં હોવી જરુરી છે.
