નવીદિલ્હી
ભારતની મુલાકાતે આવેલા અમેરિકી નાણામંત્રી જેનેટ યેલેને કહ્યું છે કે ભારત વિશ્વની સૌથી ઝડપથી વિકસતી અર્થવ્યવસ્થાઓમાંની એક છે. ઉત્તર પ્રદેશના નોઈડામાં આયોજિત એક કાર્યક્રમમાં તેમણે આ વાત કહી. યેલેને કહ્યું કે યુએસ ટ્રેઝરી સેક્રેટરી તરીકે આ મારી ભારતની પ્રથમ મુલાકાત છે. હું અહીં આવીને ખુશ છું, કારણ કે ભારત તેની આઝાદીના ૭૫માં વર્ષની ઉજવણી કરી રહ્યું છે અને ય્૨૦ ના પ્રમુખ બનવાની તૈયારી કરી રહ્યું છે. રાષ્ટ્રપતિ બાઇડને કહ્યું છે તેમ, ભારત અમેરિકાના અડગ ભાગીદારોમાંનું એક છે. યુએસ નાણામંત્રીએ સ્વીકાર્યું કે ભારત વિશ્વમાં સૌથી ઝડપથી વિકસતી મોટી અર્થવ્યવસ્થાઓમાંની એક છે. અમે રોગચાળાની અસરનો સામનો કરી રહ્યા છીએ અને યુક્રેનમાં રશિયન પ્રમુખ પુતિનના યુદ્ધ દ્વારા સર્જાયેલી પરિસ્થિતિઓના વ્યાપક આર્થિક સંકટનો પણ સામનો કરી રહ્યા છીએ. ભારત અને અમેરિકા વચ્ચેનો દ્વિપક્ષીય વેપાર ગયા વર્ષે સર્વકાલીન ઉચ્ચ સ્તરે પહોંચ્યો હતો. અમને આશા છે કે તેમાં વધુ વધારો થશે. તેવું યુએસનાં નાણામંત્રીએ જણાવ્યું. આપણા લોકો અને કંપનીઓ દરરોજ એકબીજા પર ર્નિભર છે. ભારત સંદેશાવ્યવહાર માટે વારંવાર વોટ્સએપનો ઉપયોગ કરે છે. ઘણી અમેરિકન કંપનીઓ ઇન્ફોસિસ સાથે કામ કરવા પર આધાર રાખે છે. ભારતીય મૂળના પ્રતિભાશાળી લોકો ગૂગલ, માઇક્રોસોફ્ટ અને અન્ય મોટી અમેરિકન કંપનીઓમાં ઉચ્ચ હોદ્દા પર છે. અમેરિકી નાણામંત્રીએ કહ્યું કે લોકશાહી લોકોનું ભલું કરે છે અને વિશ્વ અર્થવ્યવસ્થાનો માર્ગ ભારત અને અમેરિકા સાથે મળીને કરેલા કામોથી નક્કી થશે. ઈન્ડો-પેસિફિક ક્ષેત્રની સમૃદ્ધિ અને સુરક્ષા માટે પણ આ યોગ્ય છે. ભારત-અમેરિકા સંબંધો આગળ વધશે. અમેરિકી ટ્રેઝરી મિનિસ્ટરે વૈશ્વિક ઉર્જા સંકટને લઈને રશિયા પર નિશાન સાધ્યું. તેમણે કહ્યું કે રશિયા લાંબા સમયથી પોતાને વિશ્વસનીય ઊર્જા ભાગીદાર તરીકે રજૂ કરે છે. પરંતુ, હવે તે એક ઉદાહરણ છે કે કેવી રીતે એક દેશ પોતાના ફાયદા માટે દૂષિત રીતે વેપારને વિક્ષેપિત કરી શકે છે અને ભૌગોલિક રાજકીય લાભ લેવાનો પ્રયાસ કરી શકે છે. દિલ્હીમાં ભારત-યુએસ આર્થિક ભાગીદારીની ૯મી બેઠક પહેલા નાણાં પ્રધાન ર્નિમલા સીતારમણે યુએસ નાણા પ્રધાન યેલેન સાથે મુલાકાત કરી હતી. યેલેનના ભારત પ્રવાસ પહેલા ભારતીય નાણા મંત્રી ર્નિમલા સીતારમણ ઓક્ટોબરમાં અમેરિકા ગયા હતા. તેમણે યુએસ ટ્રેઝરી સેક્રેટરી યેલેન સાથે વર્તમાન વૈશ્વિક આર્થિક સ્થિતિ પર ચર્ચા કરી. સીતારમણે યેલેનને નવેમ્બરમાં ભારતમાં યોજાનારી યુએસ-ભારત આર્થિક અને નાણાકીય સહકાર બેઠકમાં હાજરી આપવા આમંત્રણ આપ્યું હતું.
