જેએનયુમાં રામનવમી પર નોનવેજને લઈને એબીવીપી અને લેફ્ટ વચ્ચે ઘર્ષણ

નવીદિલ્હી
હંમેશા વિવાદોમાં રહેનાર જવાહરલાલ નેહરૂ યુનિવર્સિટી એટલે કે જેએનયુ ફરી ચર્ચામાં છે. યુનિવર્સિટીમાં નોનવેજને લઈને લેફ્ટ વિંગના વિદ્યાર્થી સંગઠન અને અખિલ ભારતીય વિદ્યાર્થી પરિષદના છાત્રા વચ્ચે ઘર્ષણના સમાચાર સામે આવ્યા છે. લેફ્ટ વિંગના વિદ્યાર્થીઓએ આરોપ લગાવ્યો કે એબીવીપીના વિદ્યાર્થીઓએ નોનવેજ ખાવાને લઈને કાવેરી હોસ્પિટલના મેસ સચિવ સાથે મારપીટ કરી છે. તો એબીવીપીના વિદ્યાર્થીઓનો આરોપ છે કે લેફ્ટ વિંગના વિદ્યાર્થીઓ કાવેરી હોસ્ટેલમાં રામનવમીની પૂજા કરવાથી લોકોને રોકી રહ્યા હતા. મહત્વનું છે કે મામલાને લઈને જેએનયુ કેમ્પસમાં ફરી બબાલ વધી રહી છે. જવાહરલાલ નેહરૂ યુનિવર્સિટી સ્ટૂડન્ટ યુનિયન તરફથી કહેવામાં આવ્યું કે એબીવીપીના ગુંડોએ પોતાની નફરતની રાજનીતિ અને વિભાજનકારી એજન્ડાને લઈને કાવેરી હોસ્ટેલમાં હિંસક માહોલ બનાવી દીધો છે. તે મેસ કમિટીને રાત્રે ભોજનનું મેનૂ બદલવા માટે મજબૂર કરી રહ્યા છે અને મેચ સાથે જાેડાયેલા લોકોની સાથે લેફ્ટ વિંગના વિદ્યાર્થીઓ પર હુમલો કરી રહ્યાં છે. મેનૂમાં શાકાહારી અને માંસાહારી બંને પ્રકારના ફૂડ છે. વિદ્યાર્થીઓ પોતાની પસંદગી પ્રમાણે ગમે તે ભોજન કરી શકે છે. પરંતુ એબીવીપીના કાર્યકર્તાઓએ ગુંડાગર્ડી કરી હંગામો કર્યો. સાથે મેચના કર્મચારીઓ સાથે મારપીટ કરી હતી. એબીવીપીના કાર્યકર્તાઓએ મેસના કર્મચારીઓ પર નોનવેજ ફૂડ ન બનાવવાનું દબાણ કર્યું હતું. એબીવીપીના વિદ્યાર્થીઓનું કહેવું છે કે જેએનયુમાં કાવેરી હોસ્ટેલમાં રહેનાર વિદ્યાર્થીઓએ રામનવમીના દિવસે કેમ્પસમાં હવન-પૂજાનું આયોજન કર્યુ હતું. હવે લેફ્ટ વિંગ અને એબીવીપી આમને-સામને છે. કેમ્પસમાં લેફ્ટ વિંગના વિદ્યાર્થીઓનું કહેવું છે કે તેને માંસ ખાવાથી રોકવામાં આવી રહ્યાં છે. મહત્વનું છે કે બંને જુથ વચ્ચે ઘર્ષણના કેટલાક વીડિયો સોશિયલ મીડિયામાં વાયરલ થઈ રહ્યાં છે.