નવીદિલ્હી
આવતા વર્ષે ફૂટબોલની સૌથી મોટી ટૂર્નામેન્ટ ગણાતા ફિફા વર્લ્ડ કપનું પણ આયોજન થશે. પરંતુ યજમાન કતાર સહિત માત્ર ૩૨ ટીમો ૨૦૨૨ ફિફા વર્લ્ડ કપનો ભાગ હશે. આ ટૂર્નામેન્ટનુ આ ૨૨મુ સંસ્કરણ હશે. વર્લ્ડ કપ-૨૦૨૨ના ગ્રુપ સ્ટેજની મેચો ૧૨ દિવસ સુધી ચાલશે જેમાં દરરોજ ચાર મેચો રમાશે. ટૂર્નામેન્ટ ૨૧ નવેમ્બરથી અલ બાયત સ્ટેડિયમમાં શરૂ થશે. ફાઈનલ ૧૮ ડિસેમ્બરે લુસેલ સ્ટેડિયમમાં રમાશે. શિયાળુ ઓલિમ્પિક ૨૦૨૨ માં ચીનની રાજધાની બેઇજિંગમાં યોજાવાની છે. આ ગેમ્સ ૪ ફેબ્રુઆરીથી શરૂ થશે અને ૨૦ ફેબ્રુઆરી સુધી રમાશે. ભારતમાંથી સતત વિન્ટર ઓલિમ્પિકમાં ભાગ લેનાર શિવ કેશવન આ વખતે આ મહાકુંભમાં ભાગ લેશે નહીં. વિન્ટર પેરાલિમ્પિક ગેમ્સ ૧૩ માર્ચે સમાપ્ત થશે. જાે કે, ઘણા દેશો ચીનમાં આયોજિત આ ગેમ્સના વિરોધમાં છે, જેના કારણે તેઓ રાજકીય રીતે આ ગેમ્સનો બહિષ્કાર કરી રહ્યા છે.વર્ષ ૨૦૨૦ની જેમ ૨૦૨૧ પણ કોરોના વાયરસના ઓછાયા હેઠળ પસાર થયું છે, જેની અસર રમતગમતની દુનિયા પર જાેવા મળી હતી. જાે કે, તેમ છતાં, ટોક્યો ઓલિમ્પિક જેવી મોટી રમતોનું સફળતાપૂર્વક આયોજન કરવામાં આવ્યું હતું. ઘણી ટુર્નામેન્ટ અને લીગ પણ મુલતવી રાખવામાં આવી હતી, પરંતુ ઓલિમ્પિક ગેમ્સ થી લઈને ટેનિસના ગ્રાન્ડ સ્લેમ અને તમામ રમતોની વર્લ્ડ ચેમ્પિયનશિપ્સ બાયો બબલ્સ વચ્ચે યોજવામાં આવી હતી. આગામી વર્ષ રમતગમતની દ્રષ્ટીએ પણ ખૂબ જ મહત્વપૂર્ણ રહેવાનું છે. પ્રશંસકોને રમતના મેદાન પરથી સંપૂર્ણ એક્શન જાેવા મળશે. ૨૦૨૨માં ઘણી મોટી ટુર્નામેન્ટનું આયોજન થવા જઈ રહ્યું છે. બોક્સિંગ, ગોલ્ફ, કુસ્તી, વેઈટલિફ્ટિંગ, એથ્લેટિક્સ અને બેડમિન્ટન જેવી રમતોની વાર્ષિક ઈવેન્ટ્સ આવતા વર્ષે શેડ્યૂલ અનુસાર યોજાશે જેમાં વર્લ્ડ ચેમ્પિયનશિપનો પણ સમાવેશ થશે. આ ઉપરાંત આવતા વર્ષે આવા છ મહત્વના કાર્યક્રમોનું આયોજન કરવામાં આવશે જેનું આયોજન ચાર-પાંચ વર્ષમાં એકવાર કરવામાં આવે છે. ભારત માટે પણ આ ટૂર્નામેન્ટ ઘણી મહત્વની છે. આ રમતોમાં એશિયન ગેમ્સ, કોમનવેલ્થ ગેમ્સ, વિન્ટર ઓલિમ્પિક્સનો પણ સમાવેશ થાય છે. વર્ષ ૨૦૧૮ બાદ આવતા વર્ષે બર્મિંગહામમાં કોમનવેલ્થ ગેમ્સ યોજાશે. આ ગેમ્સ ૨૮ જુલાઈથી શરૂ થશે અને ૦૮ ઓગસ્ટ સુધી ચાલશે. ઈંગ્લેન્ડમાં આ ત્રીજી વખત આ ગેમ્સનું આયોજન કરવામાં આવશે. અગાઉની ગેમ્સમાં ભારતે ૨૬ ગોલ્ડ, ૨૦ સિલ્વર અને ૨૦ બ્રોન્ઝ સાથે ૬૬ મેડલ જીત્યા હતા અને ત્રીજું સ્થાન મેળવ્યું હતું. ૨૦૨૪ પેરિસ ઓલિમ્પિક પહેલા ભારતીય ખેલાડીઓ માટે આ ખૂબ જ મહત્વપૂર્ણ છે. કોમનવેલ્થ ગેમ્સના બે મહિના બાદ એશિયન ગેમ્સ યોજાશે. આ ગેમ્સ ૧૦ સપ્ટેમ્બરથી ૨૫ સપ્ટેમ્બર સુધી હેંગઝોઉ, ટીનમાં રમાશે. પેરિસ ઓલિમ્પિકની ક્વોલિફિકેશન માટે આ રમત ખૂબ જ મહત્વપૂર્ણ છે, તેથી ભારતીય ખેલાડીઓ અહીં શ્રેષ્ઠ રમત બતાવવાનો પ્રયાસ કરશે. છેલ્લી વખત જ્યારે જાકાર્તામાં ગેમ્સ યોજાઈ હતી, ત્યારે ભારતે ૧૫ ગોલ્ડ, ૨૪ સિલ્વર અને ૩૦ બ્રોન્ઝ સાથે ૬૯ મેડલ જીત્યા હતા અને આઠમું સ્થાન મેળવ્યું હતું.
