નવીદિલ્હી
બીસીસીઆઈએ આઈપીએલની નવી સિઝનને લઈને નવા નિયમો જાહેર કર્યા છે. આમાં, કોરોનાને લઈને ટીમો સાથે ખેલાડીઓની ઉપલબ્ધતા ન હોવા અંગે એક નિયમ બનાવવામાં આવ્યો છે. જાે કોઈ ટીમ કોરોના કેસને કારણે પ્લેઈંગ ઈલેવન આપવામાં અસમર્થ હોય, તો મેચ ફરીથી શેડ્યૂલ કરવામાં આવશે. આ પછી પણ જાે મેચ નહીં થાય તો મામલો ટેકનિકલ કમિટીને મોકલવામાં આવશે. ડીઆરએસને લઈને વધુ એક ખાસ નિયમ બનાવવામાં આવ્યો છે. આમાં, ર્નિણય સમીક્ષા સિસ્ટમનો ઉપયોગ દરેક ઇનિંગ્સ દરમિયાન બે વાર કરી શકાય છે. પહેલા આવું નહોતું. મતલબ કે એક ટીમને ફિલ્ડિંગ અને બેટિંગમાં ચાર ડીઆરએસ હશે. બોર્ડે કહ્યું છે કે જાે કોઈપણ ટીમમાં પ્લેઈંગ ઈલેવન તૈયાર થતી નથી, તો તે મેચ ફરીથી આયોજિત કરવા માટે શેડ્યૂલ નક્કી કરવામાં આવશે. આ પછી પણ જાે મેચ નહીં થાય તો મામલો ટેકનિકલ કમિટીને મોકલવામાં આવશે. ત્યાં જે પણ ર્નિણય લેવાય તે સ્વીકારવો જ રહ્યો. અગાઉ, નિયમ હતો કે જાે મેચ રિશેડ્યુલ કર્યા પછી પણ પૂર્ણ નહીં થાય, તો પાછળની ટીમને હારનાર તરીકે બે પોઈન્ટ આપવામાં આવશે. આ સિવાય બોર્ડે એમ પણ કહ્યું છે કે પ્લે ઓફ અથવા ફાઈનલમાં ટાઈ થવાની સ્થિતિમાં, જાે નિર્ધારિત સમયમાં સુપર ઓવર અથવા અન્ય સુપર ઓવર દ્વારા ર્નિણય લેવામાં નહીં આવે તો લીગ કક્ષાની રમત જાેવામાં આવશે. જે ટીમ લીગ તબક્કામાં ટોચ પર રહેશે તેને વિજેતા ગણવામાં આવશે. આ વખતે આઈપીએલ મુંબઈ અને પુણેમાં રમાશે. તેમાં મુંબઈના ત્રણ સ્ટેડિયમનો સમાવેશ થાય છે. વાનખેડે સ્ટેડિયમ, બ્રેબોર્ન સ્ટેડિયમ અને ડીવાય પાટિલ સ્ટેડિયમ છે. પુણેનું સ્ટેડિયમ પણ આઈપીએલ મેચોનું આયોજન કરશે.
