ભારત અને બાંગ્લાદેશ સુરક્ષા અને સરહદી મુદ્દાઓ પર પરસ્પર સહયોગને કરશે વધુ ગાઢ અને મજબૂત

નવીદિલ્હી
ભારત અને બાંગ્લાદેશ સુરક્ષા અને સરહદી મુદ્દાઓ પર પરસ્પર સહયોગને વધુ ગાઢ અને મજબૂત કરશે. સુરક્ષા અને સરહદ વ્યવસ્થાપન પર બંને દેશોના સંયુક્ત કાર્યકારી જૂથની ૧૮મી બેઠકમાં આ સમજૂતી થઈ હતી. મંગળવારે અહીં સમાપ્ત થયેલી બે દિવસીય બેઠકમાં, બંને દેશોએ ઉત્તમ દ્વિપક્ષીય સંબંધોની નોંધ લીધી અને દ્વિપક્ષીય મુદ્દાઓ પર સહકારને વધુ ગાઢ બનાવવાની તેમની પ્રતિબદ્ધતાનો પુનરોચ્ચાર કર્યો, એમ ગૃહ મંત્રાલય દ્વારા જારી કરાયેલા નિવેદનમાં જણાવાયું હતું. આ બેઠકમાં આંતરરાષ્ટ્રીય સરહદના ૧૫૦ યાર્ડની અંદર ફેન્સીંગ અને વિકાસના કામો, ઘૂસણખોરી સામે લડવામાં પરસ્પર સહયોગ, વિદ્રોહ વિરોધી, આતંકવાદ, સંગઠિત અપરાધ અને દાણચોરીના મુદ્દાઓ પર પણ ચર્ચા કરવામાં આવી હતી. ભારતીય પ્રતિનિધિમંડળનું નેતૃત્વ ગૃહ મંત્રાલયના અધિક સચિવ પીયૂષ ગોયલ દ્વારા કરવામાં આવ્યું હતું અને બાંગ્લાદેશના પ્રતિનિધિમંડળનું નેતૃત્વ ગૃહ મંત્રાલયના અધિક સચિવ એ.કે. મુખ્લેસુર રહેમાન. અધિકારીઓએ જણાવ્યું કે આ અધિક સચિવ સ્તરની બેઠક એક રીતે બંને દેશો વચ્ચે ગૃહ સચિવ સ્તરની વાતચીતની તૈયારીઓ માટે હતી.