નવીદિલ્હી
ભારતના ઘણા દિગ્ગજ ક્રિકેટરો છે જેમણે લાંબા સમયથી ક્રિકેટમાં પોતાનો ઝંડો લહેરાવ્યો છે. આ ક્રિકેટરો આજે કરોડોમાં રમે છે. તમને જાણીને નવાઈ લાગશે કે આ સ્ટાર ક્રિકેટર્સ ક્રિકેટ સિવાય બીજી જવાબદારી પણ નિભાવી રહ્યા છે. કરોડોની કમાણી છતાં આ ક્રિકેટરો સરકારી નોકરી કરે છે. આ યાદીમાં ૫ ક્રિકેટરો છે. ભારતીય ટીમના મહાન ક્રિકેટરોમાં સચિન તેંડુલકરનું નામ સૌથી પહેલા આવે છે. સચિનને?તેની સફળતા માટે ભારતીય વાયુસેના દ્વારા સન્માનિત કરવામાં આવ્યો હતો અને વર્ષ ૨૦૧૦માં સચિનને?ભારતીય વાયુસેનાનો ગ્રુપ કેપ્ટન બનાવવામાં આવ્યો હતો. ટીમ ઈન્ડિયાના સૌથી સફળ કેપ્ટન રહેલા એમએસ ધોની બાળપણથી જ સેનામાં જવા માંગતા હતા અને ભારતીય ટીમને ઉંચાઈ પર લઈ ગયા બાદ ધોનીનું સપનું પૂરું થયું. ૨૦૧૫માં ધોનીને ભારતીય સેનાના લેફ્ટનન્ટ કર્નલ તરીકે નિયુક્ત કરવામાં આવ્યા હતા. માહી ઘણીવાર પોતાના ફાજલ સમયમાં ભારતીય સેનાના જવાનો સાથે સમય વિતાવે છે. ટીમ ઈન્ડિયાના મહાન સ્પિન બોલરોમાં સામેલ હરભજન સિંહનું નામ આ યાદીમાં પ્રથમ આવે છે. આ ખેલાડીએ આંતરરાષ્ટ્રીય ક્રિકેટમાં ૭૧૧ વિકેટ લીધી છે. હરભજન સિંહને પંજાબ પોલીસમાં ડીએસપીનું પદ મળ્યું છે. યુઝવેન્દ્ર ચહલે ખૂબ જ ઓછા સમયમાં ટીમ ઈન્ડિયામાં એક મોટું સ્થાન હાંસલ કર્યું છે. આ સ્પિનર લિમિટેડ ઓવરમાં ટીમ ઈન્ડિયાની પહેલી પસંદ છે અને પોતાની સ્પિનના જાદુથી યુઝવેન્દ્રએ ઈન્ટરનેશનલ ક્રિકેટમાં પોતાની અલગ ઓળખ બનાવી છે. બહુ ઓછા લોકો જાણે છે કે ચહલ ઈન્કમ ટેક્સ વિભાગમાં ઈન્સ્પેક્ટર તરીકે પોસ્ટેડ છે. બોલિંગમાં પોતાની ઝડપને કારણે ઉમેશ યાદવે ઘણી વખત ટીમ ઈન્ડિયાને જીત અપાવવામાં મહત્વની ભૂમિકા ભજવી છે. જાેકે નાનપણથી જ આ સ્ટાર ફાસ્ટ બોલર પોલીસ અને આર્મીમાં નોકરી કરવા માંગતો હતો, પરંતુ તેમ ન થયું. ઉમેશ યાદવનું આ સપનું ૨૦૧૭ની ૈંઝ્રઝ્ર ચેમ્પિયન્સ ટ્રોફી પહેલા સાકાર થયું અને ક્રિકેટમાં તેમના યોગદાન માટે તેમને ભારતીય રિઝર્વ બેંકમાં આસિસ્ટન્ટ મેનેજરનું પદ આપવામાં આવ્યું.
