નવીદિલ્હી
વડાપ્રધાન નરેન્દ્ર મોદીએ નવી દિલ્હીના પ્રગતિ મેદાન ખાતે આયોજિત ૯૦મી ઈન્ટરપોલ જનરલ એસેમ્બલીની શરૂઆત કરી. આ મહાસભામાં ૧૯૫ દેશોના પ્રતિનિધિઓ ભાગ લઈ રહ્યા છે. આ પ્રતિનિધિઓમાં સભ્ય દેશોના મંત્રીઓ, પોલીસ વડાઓ, કેન્દ્રીય બ્યુરોના વડાઓ અને વરિષ્ઠ પોલીસ અધિકારીઓનો સમાવેશ થાય છે. વડાપ્રધાન નરેન્દ્ર મોદીએ ૯૦મી ઈન્ટરપોલ મહાસભાને સંબોધિત કરતા કહ્યું કે, હું આખી દુનિયાને કહેવા માંગુ છું કે આતંકવાદ , ડ્રગ્સ અને ભ્રષ્ટાચાર એક મોટો ખતરો છે. આ માટે સૌએ સાથે મળીને લડવું પડશે. સાયબર ક્રાઈમ અને ઓનલાઈન ફ્રોડ સમગ્ર વિશ્વ માટે મોટો ખતરો છે. નાણાકીય ગુના અને ભ્રષ્ટાચાર પણ મોટો ખતરો છે. પીએમ મોદીએ કહ્યું, ઉત્તર પ્રદેશ સૌથી વધુ વસ્તી ધરાવતું રાજ્ય છે. સ્વીડન કરતા પણ વધુ લોકો રાજધાની દિલ્હીમાં જ રહે છે. એકલા કુંભ મેળામાં કરોડો લોકો આવે છે. ભારત માત્ર તેના નાગરિકોનું જ રક્ષણ કરતું નથી પરંતુ તેની લોકશાહીને પણ સુરક્ષિત અને મજબૂત બનાવે છે. આપણી લોકશાહી અને વિવિધતા સમગ્ર વિશ્વ માટે એક ઉદાહરણ છે. તેમણે કહ્યું, ભારત એક એવો દેશ છે જેણે સંયુક્ત રાષ્ટ્રના દરેક મોટા ઓપરેશનમાં પોતાના બહાદુર અધિકારીઓ, મહિલા અધિકારીઓને પણ મોકલ્યા છે. વૈશ્વિક કોર્પોરેશનોમાં પણ ભારત અગ્રેસર છે. ચાણક્ય અનુસાર, કાયદાની માહિતીનો અર્થ છે જે નથી તે આપવું, જે છે તેને સાચવવું. રોગચાળા દરમિયાન પણ, ઇન્ટરપોલ ૨૪ઠ૭ કાર્યરત અને સક્રિય હતું. ૯૦મી ઈન્ટરપોલ જનરલ એસેમ્બલીને સંબોધતા વડાપ્રધાન નરેન્દ્ર મોદીએ કહ્યું, ભારત આઝાદીના ૭૫ વર્ષની ઉજવણી કરી રહ્યું છે અને તે આપણા લોકો, સંસ્કૃતિ અને સિદ્ધિઓની ઉજવણી છે. આપણે જ્યાંથી આવ્યા છીએ ત્યાં પાછળ જાેવાનો અને આપણે ક્યાં જઈશું તે જાેવા માટે આગળ જાેવાનો આ સમય છે. ઇન્ટરપોલનો ઉદ્દેશ્ય પોલીસને એકબીજા સાથે જાેડવાનું છે.
