નવીદિલ્હી
ભારત અને શ્રીલંકા વચ્ચે ૧૨ માર્ચથી બેંગ્લોરમાં ડે-નાઈટ ટેસ્ટ રમાશે. આ મેચમાં પૂર્વ ભારતીય કેપ્ટન વિરાટ કોહલી એક ખાસ રેકોર્ડ તોડી શકે છે. તે ટેસ્ટ મેચોમાં સૌથી વધુ રન બનાવવાના મામલે ઓસ્ટ્રેલિયાના ભૂતપૂર્વ દિગ્ગજ માર્ક વોને પાછળ છોડી શકે છે. કોહલીને તેની બરાબરી કરવા માટે માત્ર ૨૨ રનની જરૂર છે. કોહલી ૨૩ રન બનાવતાની સાથે જ માર્ક વોને પાછળ છોડી દેશે. તો બીજી તરફ આ ટેસ્ટ મેચમાં વિરાટ કોહલી પાસેથી લોકો સદીની અપેક્ષા પણ રાખી રહ્યા છે. મોહાલી ટેસ્ટ જીત્યા બાદ ટીમ ઈન્ડિયાના ખેલાડીઓ ઉત્સાહિત છે. રોહિત શર્માની આગેવાની હેઠળની ટીમ બેંગ્લોરમાં જીત મેળવીને ક્લીન સ્વીપ કરવા માંગશે. તે જ સમયે, આ મેચમાં વિરાટ કોહલી પાસે માર્ક વોનો રેકોર્ડ તોડવાની તક છે. ટેસ્ટ મેચોમાં સૌથી વધુ રન બનાવવાના મામલે તે વોને પાછળ છોડી શકે છે. કોહલીએ અત્યાર સુધી ૧૦૦ ટેસ્ટ મેચમાં ૮૦૦૭ રન બનાવ્યા છે. આ દરમિયાન તેણે ૨૭ સદી અને ૨૮ અડધી સદી ફટકારી છે. જ્યારે વોએ ૧૨૮ મેચમાં ૮૦૨૯ રન બનાવ્યા છે. કોહલી ૨૩ રન બનાવતા જ વોને પાછળ છોડી દેશે. જાે વિરાટ કોહલી બેંગ્લોર ટેસ્ટમાં સદી ફટકારે છે તો તે ટેસ્ટ ક્રિકેટમાં સૌથી વધુ રન બનાવવાના મામલે ઘણા ખેલાડીઓને પાછળ છોડી શકે છે. હાલમાં તે આ મામલે ૩૨મા નંબર પર છે. તે સદી ફટકાર્યા બાદ માર્ક વો તેમજ ગેરી સોબર્સ અને જ્યોફ્રી બોયકોટને પાછળ છોડી શકે છે. વિરાટ કોહલીએ લાંબા સમયથી સદી ફટકારી નથી. તેના બેટથી છેલ્લી ટેસ્ટ સદી નવેમ્બર ૨૦૧૯ માં આવી હતી. આ મેચ કોલકાતામાં ભારત અને બાંગ્લાદેશ વચ્ચે રમાઈ હતી. વિરાટ કોહલીએ એ મેચમાં ૧૩૬ રન બનાવ્યા હતા. ત્યાર બાદ તેણે ટેસ્ટ મેચોમાં સદી ફટકારી નથી. વિરાટ કોહલીના ચાહકો આ બેંગ્લોર ટેસ્ટમાં તેની પાસેથી સદીની આશા રાખી રહ્યા છે.
