બોટાદ
ગુજરાત રાજ્યમાં વિવિધ પડતર માંગણીઓને લઈ અલગ અલગ સંગઠન અલગ અલગ કર્મચારીઓ આવેદનપત્રો આપી અને વિરોધ પ્રદર્શન કરી રહ્યા છે. ત્યારે બોટાદ શહેરમાં આવેલા પીજીવીસીએલ કચેરી ખાતેના વર્ગ-૪ ના કર્મચારીઓ દ્વારા પણ વર્ષોથી પોતાની પડતર માંગણીઓને લઈને અનેકવાર રજૂઆત કરવામાં આવેલ છે. છતાં પણ તેમની રજૂઆતનો કોઈ ઉકેલ આવેલ નથી. જેને લઇ આજરોજ બોટાદ કલેક્ટર કચેરી ખાતે વર્ગ-૪ના પીજીવીસીએલના કર્મચારીઓ દ્વારા કલેક્ટરમાં આવેદનપત્ર આપવામાં આવ્યું હતું. અન્ય જે સરકારી કર્મચારીઓ છે તેમની જેમ જ તેઓ કામકાજ કરે છે. ત્યારે તેમને વર્ગ ૪માંથી વર્ગ ૩માં લેવામાં આવે. તેવી તેમની મુખ્ય માંગણીઓ ઊઠવા પામી છે. આજના આ આવેદનપત્રમાં ખૂબ જ મોટી સંખ્યામાં પીજીવીસીએલના કર્મચારીઓ હાજર રહ્યા હતા.
