અભિનવ વિદ્યા મંદિર ગીર ગઢડા ખાતે તાલુકા કક્ષાનાં કલા મહાકુંભ 2022ની  ઉજવણી આજ રોજ તારીખ 08-02-2022 અને મંગળવાર નાં રોજ  શાનદાર રીતે થઈ. કોરોના સંક્રમણ ની તકેદારીનાં ભાગ રૂપે સમગ્ર આયોજન સંક્ષિપ્ત રખાયું. આ કાર્યક્રમનાં અધ્યક્ષ યુવક મંડળ નાં પ્રમુખ શ્રી રાજેન્દ્રભાઇ પટેલ રહ્યા.આ ઉપરાંત ઉપ પ્રમુખ શ્રી નવીનભાઈ સોલંકી, એસ.વી.એસ. કન્વીનર શ્રી નરેશભાઈ ઉપાધ્યાય, તાલુકા કક્ષા નાં કલા મહાકુંભના કન્વીનર શ્રી રઘુભાઈ બારડ,આચાર્ય શ્રી રત્નેશભાઈ જોષી, નિર્ણાયક શ્રી કામળીયા સાહેબ, શરદભાઈ પંડ્યા અને કલાગુરુ પાયલબેન કાનાણી ની પ્રેરક ઉપસ્થિતિ રહી.           આ કાર્યક્રમની શરૂઆત સરસ્વતી વંદના થી થઈ. ઉપસ્થિત મહાનુભાવો નાં હસ્તે દીપ પ્રાગટ્ય કરવામાં આવ્યું.ત્યાર બાદ શાળાનાં આચાર્યશ્રી રત્નેશભાઇ જોષી દ્વારા મહેમાનોનું શાબ્દિક સ્વાગત કરાયું  અને પ્રસંગોચિત વક્તવ્ય આપવામાં આવ્યું. એસ.વી.એસ. કન્વીનર શ્રી નરેશભાઈ ઉપાધ્યાયે પણ વિદ્યાર્થીઓને પોતાના પ્રેરક વક્તવ્યથી પ્રોત્સાહિત કર્યા. આ કાર્યક્રમનાં અધ્યક્ષ શ્રી રાજેન્દ્રભાઈ પટેલે વિદ્યાર્થીઓને સ્પર્ધામાં ભાગ લેવા બદલ શુભકામના  આપી સારા અને ઉજ્જવળ ભવિષ્યની શુભકામનાઓ આપી.