અમદાવાદ
અમદાવાદ શહેરમાં અનેક જગ્યાએ રસ્તે રખડતા લોકો મળી આવતા હોય છે. જેને સરકારની મહિલા હેલ્પલાઇન અભયમ મદદ કરતી હોય છે. ત્યારે મૂળ ઉત્તરપ્રદેશની રહેવાસી મહિલા એક અઠવાડિયાના નવજાત બાળકને લઇ કાલુપુર રેલવે સ્ટેશનની બહાર રોડ પર બેઠી હતી. જાગૃત નાગરિકે મહિલાને બાળક સાથે જાેઈ મહિલા હેલ્પલાઇન અભયમ ૧૮૧માં ફોન કર્યો હતો. જેથી હેલ્પલાઇનની સિવિલ લોકેશનની ટીમ ત્યાં પહોંચી હતી. મહિલા ૨૦ દિવસ પહેલાં ઉત્તર પ્રદેશથી અમદાવાદ આવી હતી અને સરકારી હોસ્પિટલમાં બાળકને જન્મ આપ્યો હતો ત્યારબાદ તેને કોઈ રહેવાનું સ્થળ ન મળતા પોતે કાલુપુર રેલવે સ્ટેશનની બહાર બેસી રહી હતી. મહિલા હેલ્પલાઇનની ટીમ દ્વારા હાલમાં મહિલાને આશ્રયગૃહમાં રાખવામાં આવી છે. મહિલા હેલ્પલાઇન અભયમ ૧૮૧ને એક જાગૃત નાગરિકનો કોલ આવ્યો હતો કે કાલુપુર રેલવે સ્ટેશનની બહાર એક મહિલા આશરે દસ દિવસના નવજાત બાળકની સાથે રોડ પર બિનવારસી હાલતમાં બેઠી છે. જેથી તાત્કાલિક મહિલા હેલ્પલાઇનની સિવિલ લોકેશનની ટીમ કાલુપુર રેલવે સ્ટેશન પાસે પહોંચી હતી. મહિલાની પૂછપરછ કરતા પોતે મૂળ ઉત્તર પ્રદેશના વતની છે અને ૨૦ દિવસ પહેલા તેમના પતિ ટેમ્પો ડ્રાઇવર હતા અને અકસ્માતમાં તેમનું મૃત્યુ થયું હતું. પરિવારમાં તેઓને કોઈ રાખવાવાળું ન હોવાથી તેઓ ટ્રેનમાં બેસી અમદાવાદ આવી ગયા હતા. પોતે ગર્ભવતી હતી અને ૧૦ દિવસ પહેલાં જ તેમણે સરકારી હોસ્પિટલમાં બાળકને જન્મ આપ્યો છે. બાળકના જન્મ બાદ પોતે હોસ્પિટલ માંથી નીકળી જઈ અને બહાર રોડ ઉપર રહેતી હતી. કોઈ રહેવાની જગ્યા ન હોવાથી મહિલા રોડ પર જ રહેવા માંગતા હતા. પરંતુ મહિલા હેલ્પલાઇનની ટીમે તેઓનું કાઉન્સેલિંગ કરી અને સમજાવ્યા હતા. ગરમીના સમયમાં નવજાત બાળક સાથે બહાર રોડ ઉપર એકલી મહિલા સુરક્ષિત નથી તેમ સમજાવી અને તેમને પોતાની સાથે લઈ ગયા હતા અને આશ્રયગૃહમાં રાખ્યા હતા. હાલમાં મહિલાને પોતે આશ્રય ગૃહમાં બાળક સાથે રાખવામાં આવ્યા છે.
