ઉના વેરાવળ રોડ પર આવેલ આનંદવાડીની પાછળના ભાગે વડાલા વિસ્તાર વચ્ચે પડતર કચરો તેમજ ઝાડમાં અચાનક આગ લાગતા રહેણાંક વિસ્તારોમાં ભાગદોડ મચી ગયેલ હતી. અને આગની ઘટનામાં કચરો વાસ બળીને ખાક થઇ ગયેલ જોકે કોઇ જાનહાની થઇ ન હતી.
વડાલા વિસ્તારના પાછળના ભાગે આનંદવાડીની દિવાલની પાસે પડેલો કચરો સુકાઝાડમાં તેમજ લાકડામાં કોઇ કારણોસર અચાનક આગ લાગી જતાં આસપાસમાં રહેતા લોકોમાં નાશભાગ મચી ગયેલ હતી. અને આ આગની જાણ ઉના નગર પાલીકાના ફાયર બ્રિગેડને કરતા તેમનો સ્ટાફ તાત્કાલિક ઘટના સ્થળે દોડી ગયેલો અને આગ ઉપર પાણીનો મારો ચલાવી આગને કાબુમાં લીધી હતી. આ આગની ઘટનામાં કોઈ જાનહાની થઈ ન હતી. પરંતુ કચરો ઘાસ સહીત બળીને ખાક થઇ ગયેલ હતો. આ આગ કાબુમાં આવતા આ વિસ્તારમાં રહેતા લોકોએ રાહતનો શ્વાસ લીધો હતો..
