ભુજ
ભારતીય કોસ્ટ ગાર્ડસએ એટીએસ ગુજરાત દ્વારા ગુપ્ત માહિતીના આધારે ભારતીય જળસીમામાં આશરે ૦૬ ક્રૂ સાથે એક પાકિસ્તાની બોટને સંયુક્ત રીતે પકડી પાડી છે. રૂ. ૩૫૦ કરોડની કિંમતની ૫૦ કિલો હિરોઈન બોટ સાથે જપ્ત કરવામાં આવી છે. પકડાયેલા પાકિસ્તાની ક્રુ સભ્યોને કચ્છના જખૌ બંદર ખાતે લવાયા છે. જ્યાં આગળની કાર્યવાહી માટે પોલીસના હવાલે કરવામાં આવશે. ૦૭/૦૮ ઑક્ટોબરની મધ્યરાત્રિ દરમિયાન, મળેલા ચોક્કસ ઇન્ટેલિજન્સ ઇનપુટના આધારે, આઈસીજીએ વ્યૂહાત્મક રીતે ઇન્ટરસેપ્ટર વર્ગના બે જહાજાે, સી-૪૨૯ અને સી-૪૫૪ ને ઇન્ટરનેશનલ મેરીટાઇમ બોર્ડર લાઇન ની નજીકના વિસ્તારમાં પેટ્રોલિંગ માટે તૈનાત કર્યા હતા. જ્યાં મધ્યરાત્રિ દરમિયાન, એક પાકિસ્તાની બોટ ભારતીય જળસીમામાં શંકાસ્પદ રીતે ફરતી જાેવા મળી હતી, જે આઈએમબીએલની અંદર ૫ એનએમ અને જખૌથી ૪૦ એનએમ દૂર હતી. સંદિગ્ધ બોટને પડકારવામાં આવતા, પાકિસ્તાની બોટએ છટકબારીનો દાવપેચ શરૂ કર્યો હતો. જાેકે, બંને જહાજાેએ પાકિસ્તાની બોટને અટકાવી હતી અને તેને રોકવાની ફરજ પાડી હતી. પકડાયેલી બોટમાં સઘન તપાસ હાથ ધરવામાં આવી હતી જે દરમિયાન પાંચ બારદાનની કોથળીઓમાં છુપાવેલ ૫૦ કિલો માદક દ્રવ્યો, જે હિરોઈન હોવાનું માનવામાં આવે છે તે મળી આવ્યું હતું. જપ્ત કરાયેલા નશીલા પદાર્થોની બજાર કિંમત રૂ.૩૫૦ કરોડ હોવાનો અંદાજ છે. સમગ્ર ઓપરેશન દરમિયાન આઈસીજી જહાજાેએ અંધારી રાત્રિ અને હવામાનની નજીવી પરિસ્થિતિમાં ખૂબ જ ખરબચડા સમુદ્રનો સામનો કર્યો હતો. તમામ એજન્સીઓ દ્વારા વધુ સંયુક્ત તપાસ માટે બોટને જખૌ ખાતે લાવવામાં આવી છે. છેલ્લા એક વર્ષમાં ભારતીય કોસ્ટગાર્ડ અને એટીએસ, ગુજરાત દ્વારા આ પ્રકારનું છઠ્ઠું સંયુક્ત ઓપરેશન છે અને એક મહિના કરતાં પણ ઓછા સમયમાં આવું બીજું ઓપરેશન છે જ્યારે ૧૪ સપ્ટેમ્બર ૨૨ના રોજ પાકિસ્તાની બોટમાંથી ૪૦ કિલો ડ્રગ્સ જપ્ત કરવામાં આવ્યું હતું. આવી કામગીરી સુરક્ષા એજન્સીઓ વચ્ચે અસરકારક સંકલન અને સુમેળનું પરિણામ હોવાનું એક યાદીમાં જણાવાયુ હતું.
