અમદાવાદ
એક યુવતી ઘરેથી ભાગીને આવી હોય તેમ જણાઈ રહ્યું છે. હાલ તે એક જગ્યાએ એકાદ કલાકથી બેસી રહી છે અને ઘરે જવાની ના પાડે છે. કોલ મળતાંની સાથે જ અભયમની ટીમ તાત્કાલિક ઘટના સ્થળે પહોંચી હતી. બાદમાં યુવતીની પુછપરછ કરી હતી. જાે કે, યુવતીએ પહેલાં તો કંઈ જણાવ્યું નહોતું. બાદમાં તેને વિશ્વાસમાં લઈને પુછપરછ કરી ત્યારે અભયમની ટીમને જાણવા મળ્યું કે, તે તેની માતા અને ભાઈ સાથે રહે છે અને તેની ઉંમર ૧૯ વર્ષની છે. થોડા દિવસો પહેલાં યુવતીને એક યુવક સાથે પ્રેમ સંબંધ બંધાયો હતો. જેથી યુવતી તેના પ્રેમી સાથે વાતો કરતી અને સાથે હરવા ફરવા પણ જતી હતી. બીજી તરફ આ અંગેની જાણ માતા અને ભાઈને થતાં તેઓએ યુવતીને ઘરની બહાર નીકળવાની ના પાડી દીધી હતી. તે ઉપરાંત મોબાઈલ ફોન પણ લઈ લીધો હતો. એટલું જ નહીં. તેઓ માનસિક ત્રાસ પણ આપવા લાગ્યાં હતાં. જાે તેઓ બજારમાં જાય તો યુવતીને ઘરમાં પુરીને બહારથી તાળુ મારીને જતાં હતાં. તેનો મોબાઈલ ફોન પણ લઈ લીધો હતો. આ દરમિયાન ઘરમાં તેની માતા રસોઈ કરતી હતી ત્યારે તકનો લાભ લઈને યુવતી ઘરેથી ભાગી ગઈ હતી. યુવતીની વાત સાંભળીને અભયમની ટીમે તેને સાંત્વના પાઠવી હતી. તે સાથે તેની માતા અને ભાઈને પણ બોલાવ્યાં હતાં. બાદમાં બંનેનું કાઉન્સેલિંગ કરીને નાની ઉંમર હોવાથી ભૂલ થઈ જાય તો તેને હેરાન કરવાની જગ્યાએ પ્રેમથી સાચવવી જાેઈએ. અભયમની ટીમે યુવતીનું કાઉન્સેલિંગ કરતાં જણાવ્યું હતું કે, માતા અને ભાઈ તેના સારા ભવિષ્યની ચિંતાના કારણે આવો વ્યવહાર કરે છે. જેથી ઘરની બહાર નીકળી જવું કે,માતાની વાત ના માનવી યોગ્ય નથી. જેથી યુવતીને પોતાની ભુલ સમજાઈ હતી. બીજી તરફ માતા અને ભાઈએ યુવતીની માફી માંગી હતી અને ફરી વખત તેને ક્યારેય હેરાન નહીં કરે તેવી બાંહેધરી પણ આપી હતી. બાદમાં યુવતીને તેની માતા અને ભાઈની સાથે રહેવું હોવાથી તેને તેના ઘરે પરત મોકલી સમાધાન કરાવ્યું હતું.અમદાવાદ શહેરના પૂર્વ વિસ્તારમાં રહેતાં પરિવારના સભ્યોને પરિવારની જ ૧૯ વર્ષની યુવતીને પ્રેમસંબંઘ હોવાની જાણ થઈ હતી. જેથી પરિવારે યુવતીનો મોબાઈલ લઈ લીધો હતો અને તેઓ ઘરની બહાર જાય ત્યારે યુવતીને ઘરમાં પુરીને બહારથી તાળુ મારીને જતા હતાં અને તેને ત્રાસ પણ આપતાં હતાં. આ દરમિયાન એક દિવસ યુવતી તકનો લાભ લઈને પલાયન થઈ ગઈ હતી. આ અંગે અભયમની ટીમે યુવતી અને તેના માતા તથા ભાઈનું કાઉન્સેલિંગ કરી સમાધાન કરાવ્યું હતું.
