પાટણ
પાટણ અને સરસ્વતી સંયુક્ત તાલુકા પ્રાથમિક શિક્ષક સંઘ પરિવાર દ્વારા જૂની પેન્શન યોજના પુનઃ લાગુ કરવા ૪૮૯ શિક્ષકો ગાંધીનગર સત્યાગ્રહ છાવણી ખાતે ઉમટી પડ્યા હતા જિલ્લાના શિક્ષકો અને તેમાંયે મહિલા શિક્ષકો અને અંધ,દિવ્યાંગ શિક્ષકોની મોટી સંખ્યામાં ઉપસ્થિતિ સમગ્ર સત્યાગ્રહીઓ જાેમ અને જુસ્સાને વધારનારું જણાઈ રહ્યું છે. સત્યાગ્રહ છાવણી ખાતે મોટી સંખ્યામાં સમગ્ર રાજ્યમાંથી તમામ સવર્ગમાંથી કર્મચારીઓ પોતાના હક માટેની માંગણી બુલંદ કરવા બંધારણીય રહે આંદોલન કરી રહ્યા છે.સરકાર દ્વારા નવી પેન્શન યોજના લાવવામાં આવતા રાજયના સરકારી કર્મચારીઓ જુની પેન્શન યોજના મુજબ જ લાભો આપવાની માંગ કરી રહ્યા છે. ત્યારે નવી પેન્શન યોજના રદ્દ કરીને જુની પેન્શન યોજના લાગું કરવાની માંગણી સાથે રાષ્ટ્રીય ઓલ્ડ પેન્શન પુનઃસ્થાપન સંયુક્ત મોરચાની આગેવાની ત્રણ દિવસ અગાઉ ધરણા યોજાયા હતા. ત્યારે સોમવારે પાટણ અને સરસ્વતી તાલુકા ના ૪૮૯ પ્રાથમીક શિક્ષકો સત્યાગ્રહ છાવણી ખાતે વિરોધ પ્રદર્શન કરવામાં પહોંચ્યા છે.
