છોટાઉદેપુર
ગુજરાત રાજ્ય પુરવઠા નિગમ દ્વારા લઘુતમ ટેકાના ભાવે ખરીફ માર્કેટિંગ સીઝન ૨૦૨૨-૨૩ અંતર્ગત ડાંગર, મકાઈ અને બાજરીની ખરીદી આગામી તા૧૭ ઓક્ટોબર થી ૩૧ ડીસેમ્બર દરમિયાન કરવામાં આવશે. ડાંગર માટે ૯૮, મકાઈ માટે ૬૭ બાજરી માટે ૮૯ જેટલા ગુજરાત રાજ્ય પુરવઠા નિગમના ખરીદી કેન્દ્રો નિયત કરવામાં આવ્યા છે. ભારત સરકાર દ્વારા લઘુતમ ટેકાના ભાવ ડાંગર માટે રૂ.૨૦૪૦/- પ્રતિ ક્વિન્ટલ, ડાંગર એ-ગ્રેડ માટે રૂ.૨૦૬૦/- પ્રતિ ક્વિન્ટલ, મકાઈ માટે રૂ.૧૮૬૨/- પ્રતિ ક્વિન્ટલ, અને બાજરી માટે રૂ.૨૩૫૦/- પ્રતિ ક્વિન્ટલના દર નિયત કરેલ છે. લઘુતમ ટેકાના ભાવે વેચાણ કરવા ઈચ્છા ધરાવતા ખેડૂતોની ઓનલાઈન નોંધણી સમગ્ર રાજ્યમાં સ્થાનિક ગ્રામ્ય કક્ષાએ VCE દ્વારા તા. ૦૧ ઓક્ટોબરથી શરુ થયેલ છે. નોંધણી માટે જરૂરી પુરાવા જેવા કે આધાર કાર્ડ, ૭-૧૨, ૮-અની નકલ, નમુના ૧૨માં પાક વાવણી અંગે એન્ટ્રી ન થઈ હોય તો પાક આવ્યા અંગેના તલાટીનો દાખલો, પાસબુકની નકલ અથવા કેન્સલ ચેક સાથે લાવવાના રહેશે. અનાજનો જથ્થો સાફ કરીને ચારણો કરીને ભેજ રહિત લાવવો. નામ નોંધણી માટે કોઈ મુશ્કેલી જણાય તો હેલ્પલાઇન નંબર ૮૫૧૧૧૭૧૭૧૮ અને ૮૫૧૧૧૭૧૭૧૯ પર સંપર્ક કરવો. નોંધણી માટે કે બારદાન માટે ખેડૂતે કોઈ ચાર્જ ચૂકવવાનો નથી એમ સંબંધિતો તરફથી જણાવવામાં આવ્યું છે.
રિપોર્ટર રેહાન પટેલ છોટાઉદેપુર