અમદાવાદ
અમદાવાદમાં ડ્રગ્સ નેટવર્કમાં મહિલાઓ પણ સક્રિય હોવાનો ખુલાસો થયો છે. જુહાપુરામાં ઘરમાં ડ્રગ્સનું વેચાણ કરતી મહિલા ડ્રગ્સ પેડલર ઝડપાઇ ગઈ છે. આ મહિલા ઝડપાયા બાદ તેની પુછપરછમાં ખુલાસો થયો છે કે બીમારીના ઈલાજ માટે આ મહિલા પૈસા બનાવવા ડ્રગ્સ પેડલર બની છે. એસઓજી ક્રાઈમે ૬ માસમાં નશાનો સોદો કરનાર ૯ મહિલા ડ્રગ્સ પેડલરની ધરપકડ કરી છે. ત્યારે નશાનો કારોબાર કરતા ડ્રગ્સ નેટવર્કમાં આ મહિલાઓ કેવી રીતે જાેડાઈ એ અમે તમને જણાવીશુ. એસઓજીએ પરવીનબાનું બલોચ નામની મહિલાને નશાના કારોબાર કરવાના ગુનામાં કસ્ટડીમાં લીધી છે. આ મહિલા પોતાના જ ઘરમાં નશાનો સોદો કરતી હતી. એસઓજી ક્રાઈમને બાતમી મળી હતી કે અમદાવાદના જુહાપુરામાં સંકલિત નગરમાં ડ્રગ્સનું નેટવર્ક ચાલી રહ્યું છે. આ માહિતીના આધારે એસઓજી ક્રાઈમે રેડ કરતા પરવીનબાનું નામની મહિલા ડ્રગ્સનું વેચાણ કરતા ઝડપાઈ ગઈ હતી. તેની પાસેથી ૩૪.૯૦૦ ગ્રામનો એમડી ડ્રગ્સનો કુલ ૩.૪૯ લાખ રુપિયાનો જથ્થો ઝડપાયો છે. છેલ્લા ૪ માસથી આ મહિલા પોતાના ઘરમા ડ્રગ્સનું વેચાણ કરતી હોવાનું ખુલ્યું છે. એસઓજી ક્રાઈમે મહિલાની ધરપકડ કરીને વધુ તપાસ શરૂ કરી છે. ડ્રગ્સ સાથે પકડાયેલી મહિલા પરવીનબાનું અને તેનો પતિ મોહસીનખાન બલોચ જુહાપુરા રહે છે. તેમને કોઈ સંતાન નથી. પતિ ડ્રગ્સની લત ધરાવે છે. જ્યારે પરવીનબાનુને ટીબીની ગાંઠ થતી હોવાથી તેના ઓપરેશન માટે એક લાખનો ખર્ચ થવાનું ડોક્ટરે જણાવ્યુ હતુ. જેથી તેણે ડ્રગ્સ પેડલર બનીને પૈસા કમાવવાનું શરૂ કર્યુ હતુ. આ મહિલામાં વટવામાં શહેજાદખાન પઠાણ પાસેથી રૂપિયા ૨૦ હજારમાં ડ્રગ્સ ખરીદીને લાવી હતી અને ૫૦ હજાર સુધીમાં વેચાણ કરતી હતી. તેના ગ્રાહકો ઘરેથી ડ્રગ્સ લઈ જતા હતા. એસઓજી ક્રાઈમે આ ડ્રગ્સ નેટવર્ક મહિલાએ કેવી રીતે બનાવ્યું અને કેટલા ગ્રાહકો ડ્રગ્સ લઈ જાય છે તેની તપાસ શરૂ કરી. આ ઉપરાંત ડ્રગ્સ આપનાર વોન્ટેડ સેજાદખાન પઠાણની શોધખોળ શરૂ કરી છે. ૬ માસમાં એસઓજી ક્રાઈમે ૯ મહિલા ડ્રગ્સ પેડલર ઝડપી છે. ૨૧ જુલાઈ ૨૦૨૨ ઃ એસજી હાઈવે નજીક જાહેરમાં ડ્રગ્સ સાથે ચાંદખેડાની હરપ્રિતકૌર સહોતા નામની મહિલા ઝડપી. તેની પાસેથી ૧.૫૫ લાખનું સ્ડ્ઢ ડ્રગ્સ મળ્યું., ૨૨ જુલાઈ ૨૦૨૨ઃ કાલુપુરમાં રેલવે સ્ટેશન નજીક સોલૈયામાલ સુબ્રમણ્યમ, પૂજા ગોયલ અને શેલવી નાયડુ નામની મુંબઈની ૩ મહિલાને ૩.૯૬ લાખના ૩૯ કિલો ગાંજાે સાથે ધરપકડ કરાઈ,૨૩ ઓગસ્ટ ૨૦૨૨ઃ કાલુપુર ભંડેરી પોળ નજીક ડ્રગ્સ માફિયા અમીનાબાનું ઉર્ફે ડોન પઠાણ નામની મહિલાની ધરપકડ કરી. એમડી ડ્રગ્સના જથ્થા સહિત ૩.૧૩ લાખનો મુદામાલ જપ્ત કરાયો. આ મહિલા ડોન ડ્રગ્સનું નેટવર્ક ઉભું કરીને ૧૦૦થી વધુ પેડલર બનાવ્યા હતા., ૨૧ નવેમ્બર ૨૦૨૨ ઃ દાણીલીમડામાં નાઝીયા શેખ નામની મહિલાને કફ શિરપના જથ્થા સાથે પડકવામાં આવી. ૨૪ નવેમ્બર ૨૦૨૨ ઃ ખાનપુરમાં રહેનુમા ઉર્ફે સિઝા ખાન નામની મહિલા ડ્રગ્સ પેડલરને ૨૯ ગ્રામના સ્ડ્ઢ ડ્રગ્સ સાથે પકડવામાં આવી. ૨૮ નવેમ્બર ૨૦૨૨ ઃ કુબેરનગરમાં અફસાનાબાનું શેખ નામની મહિલાને એમ ડી ડ્રગ્સના જથ્થા સાથે મહિલા પેડલરની ધરપકડ કરી. જે દારૂની જેમ ડ્રગ્સનું વેચાણ કરતી હતી., ૯ ડિસેમ્બર ૨૦૨૨ ઃ રામોલમાં જનતાનગરમાં ડ્રગ્સ કેસમાં મુંબઈની મહિલા ડ્રગ્સ પેડલર અમરીનખાન નું નામ ખુલ્યું.. જે હજુ ફરાર હોવાથી એસઓજી તપાસ શરૂ કરી છે.,૨૪ ડિસેમ્બરના રોજ પણ ર્જીંય્ ક્રાઇમે મહિલા પેડલર પરવીનબાનુની ધરપકડ કરી.અમદાવાદથી મુંબઈ સુધીના ડ્રગ્સ નેટવર્કમાં મહિલાઓનો નશામાં દબદબો વધી રહ્યો છે. ર્જીંય્ની જુદી જુદી ટીમોએ આ નેટવર્કને લઈને સર્ચ શરૂ કર્યું છે.
