અમદાવાદ
સોશિયલ મીડિયાના ઉપયોગની સાથે દુરુપયોગ પણ છે અને આ દુરુપયોગના કારણે જેલ જવાનો વારો પણ આવી શકે છે. સાયન્સ સિટી ખાતે રહેતા બિમલ પટેલે ટિ્વટર પર બાળકો ઉપાડવાની ગેંગ સક્રિય થઈ હોવાનું ટ્વીટ કર્યું હતું. જેના કારણે બાળકો અને વાલીઓમાં ભયનો માહોલ સર્જાયો હતો. જાેકે, આવો કોઈ બનાવ ના બન્યો હોવાથી પોલીસે તેની સામે ગુનો નોંધી તપાસ હાથ ધરી ધરપકડ કરી છે. સ્પર્ધાત્મક પરીક્ષાની તૈયારી કરતા બિમલ પટેલે ટિ્વટર પર પોસ્ટ કરી હતી કે, સોલા સાયન્સ સિટી અને બોપલ વિસ્તારમાં બાળકો ઉપાડવાની ગેંગ સક્રિય થઈ છે અને બે બાળકોને ઉપાડીને લઈ ગયા છે. સાથે જ પોલીસની કામગીરી પર પણ સવાલ ઊભા કરતા અલગ ટ્વીટ કર્યા હતા. અમદાવાદ પોલીસ ગૃહરાજ્યમંત્રીને ટેગ કર્યા હતા જેના કારણે પોલીસ દોડતી થયી હતી અને આ ગેંગ બાબતે તપાસ કરી હતી પણ આવો કોઈ બનાવ કે ગેંગના હોવાનું પોલીસની તપાસમાં સામે આવ્યું હતું. જાેકે, હાલ ખોટી અફવા ફેલાવનાર આરોપીની ધરપકડ કરી છે.
