ભાવનગર
છેલ્લાં ત્રણ દાયકાના ભાજપના પ્રજા વિરોધી શાસનથી રાજ્યના પ્રજાજનો ત્રસ્ત છે. સતત વધતી જતી મોંઘવારી અને બેરોજગારીની પરીસ્થિતિ પ્રવર્તે છે અને ભય અને દહેશતનું વાતાવરણ ઉભું કરવાના રાજ્ય સરકારના ગેરબંધારણીય ર્નિણયો અને પગલાંથી રાજ્યમાં તાનાશાહીનું વાતાવરણ છે તથા ધારાસભ્ય જીગ્નેશ મેવાણીની ગેરબંધારણીય ધરપકડના વિરોધમાં રેલીનું આયોજન કરેલ છે. ભાવનગર શહેરમાં કોંગ્રેસ દ્વારા ગુજરાત સ્થાપના દિવસ નિમિત્તે લોકશાહી બચાવો, બંધારણ બચાવો તથા ધારાસભ્ય જીગ્નેશ મેવાણીની ગેરબંધારણીય ધરપકડના વિરોધમાં રેલીનું આયોજન કરવામાં આવ્યું હતું. શહેર કાૅંગ્રેસ દ્રારા લોકશાહી બચાવો, બંધારણ બચાવો અંતર્ગત રેલી નું આયોજન કરવામાં આવ્યું હતું જે રેલી શહેરના જશોનાથ સર્કલ ખાતે થી પ્રસ્થાન કરી ઘોઘા ગેઇટ, ખારગેઈટ, મામા કોઠા, બાર્ટન લાઈબ્રેરી થઈ હલુરિયા ચોક શહીદ સ્મારક ખાતે શહીદોને પુષ્પાંજલિ કરી રેલી પૂર્ણ કરી હતી. આ રેલીના કાર્યકમમાં શહેર પ્રમુખ પ્રકાશભાઈ વાઘાણી, વિપક્ષનેતા ભરતભાઈ બુધેલીયા, કોર્પોરેટર જાયદીપસિંહ ગોહિલ, કોર્પોરેટર કાંતિભાઈ ગોહિલ, પૂર્વ કોર્પોરેટરો, પક્ષના તમામ વરિષ્ઠ આગેવનાઓ, હોદ્દેદારો, ફ્રન્ટલ સેલના હોદેદારઓ તથા કાર્યકરો બહેનો સહિત બહોળી સંખ્યામાં ઉપસ્થિત રહ્યા હતા.
