કમિશનરશ્રી, યુવક સેવા અને સાંસ્કૃતિક પ્રવૃતિઓની કચેરી, ગાંધીનગર આયોજીત જિલ્લા યુવા વિકાસ અધિકારી જૂનાગઢ સંચાલિત ઝોન/તાલુકા તથા જિલ્લાકક્ષા યુવા ઉત્સવનું (ઓફલાઈન તેમજ ઓનલાઈન) આયોજન થનાર છે.
જેમાં વયજૂથ ‘અ’ વિભાગ ૧૫ વર્ષથી ઉપર અને ૨૦ વર્ષ સુધીના, ‘બ’ વિભાગ ૨૦ વર્ષથી ઉપરના અને ૨૯ વર્ષ સુધીના અને ‘ખુલ્લો’ વિભાગ ૧૫ વર્ષથી ઉપરના અને ૨૯ વર્ષ સુધીના સ્પર્ધક કલા વિભાગ , સાહિત્ય વિભાગ અને સાંસ્કૃતિક વિભાગની અલગ અલગ કૃતિઓમાં ભાગ લઈ શકશે.
‘અ’ અને ‘બ’ વિભાગના સ્પર્ધક ઝોન/તાલુકાકક્ષાએથી શરૂ થતી ઓફલાઈન વકૃત્વ સ્પર્ધા, નિબંધ સ્પર્ધા, ચિત્રકલા, હળવું કંઠ્ય સંગીત, લોકવાદ્ય સંગીત, એક પાત્રીય અભિનય સ્પર્ધાઓ ઉપરાંત ‘બ’ વિભાગમાં પાદપૂર્તિ, ગઝલ શાયરી લેખન, કાવ્ય લેખન, દુહા-છંદ-ચોપાઈ, લગ્નગીત, જ્યારે સીધી જિલ્લા કક્ષાએથી શરૂ થતી સ્પર્ધાઓ માટેના ‘અ’ અને ‘બ’ વિભાગના સ્પર્ધક શાસ્ત્રીય કંઠ્ય સંગીત (હિન્દુસ્તાની), શાસ્ત્રીય નૃત્ય- ભરતનાટ્યમ, કથ્થકમાં ઓનલાઈન સ્પર્ધામાં ભાગ લઈ શકશે.
જ્યારે ‘ખુલ્લો’ વિભાગના સ્પર્ધક ઝોન/તાલુકાકક્ષાએથી શરૂ થતી ઓફલાઈન લોક વાર્તા, સર્જનાત્મક કારીગરી, ભજન, સમૂહગીત અને સીધી જિલ્લાકક્ષાએથી શરૂ થતી ઓનલાઈન સ્પર્ધા જેવી કે, લોકનૃત્ય, લોક ગીત, શાસ્ત્રીય કંઠ્ય સંગીત (કર્ણાટકી), સીતાર, વાંસળી, તબલા, વીણા, મૃદંગમ, હાર્મોનિયમ (હળવું), ગિટાર, શાસ્ત્રીય નૃત્ય- મણીપુરી, ઓડીસી, કુચીપુડી, શીઘ્ર વકૃત્વ (હિન્દી/અંગ્રેજી) અને એકાંકી સ્પર્ધામાં સ્પર્ધકો કૃતિના નિયમો પ્રમાણે ભાગ લઈ શકશે.
તાલુકાકક્ષાની સ્પર્ધામાં (ઓફલાઈન) ભાગ લેવા માટેના અરજીપત્રકો તા.૨૭/૦૯/૨૦૨૨ સુધી બપોરે ૧૨:૦૦ કલાક સુધીમાં ઝોન/તાલુકા કન્વીનરને મળી જાય તે રીતે મોકલવાના રહેશે. જિલ્લાકક્ષાથી (ઓનલાઈન) શરૂ થતી સ્પર્ધાઓના અરજીપત્રકો સાથે નિયમોનુસાર વિડીઓ ક્લીપ તૈયાર કરી CD/Pen Drive, CD કવર ઉપર સ્પર્ધકનું નામ, સરનામું, મોબાઈલ નંબર, તથા કયા વિભાગની કૃતિ છે તે વિગતો જિલ્લા રમતગમત અધિકારીની કચેરી, બ્લોક નં.૧, પ્રથમ માળ, બહુમાળી ભવન, સરદારબાગ, જૂનાગઢ ૩૬૨૦૦૧ ફોન નં.૦૨૮૫ ૨૬૩૦૪૯૦ ખાતે તા.૨૭/૦૯/૨૦૨૨ સુધી બપોરે ૧૨:૦૦ કલાક સુધીમાં રૂબરૂ અથવા પોસ્ટ મારફત મોકલવાની રહેશે. (પોસ્ટ કર્યા બાદ મેઈલ આઈ.ડી. dsojunagadhcity20@gmail.com પર જાણ કરવી). જ્યારે સ્પર્ધા અંગેના નિયમો જાણવા Dso Junagadhcity ફેસબૂક આઈ.ડી પર જોઈ શકાશે. વિશેષમાં ઝોન/તાલુકા કન્વીનરોની યાદી તથા સ્પર્ધાના નિયમો ફેસબુક આઈ.ડી. પર મુકવામાં આવેલ છે. એમ જૂનાગઢ જિલ્લા યુવા વિકાસ અધિકારી ની અખબારી યાદીમાં જણાવાયું છે.