નર્મદા બ્રિજ ટોલટેક્સ પાસેથી વિદેશી દારૂ ભરેલી ગાડી અંકલેશ્વર શહેર પોલીસે આરોપીઓને ઝડપી પાડ્યા

ભરૂચ
નેશનલ હાઇવે ઉપર નર્મદા બ્રિજ ટોલટેક્ષ પાસેથી વિદેશી દારૂ ભરેલી ગાડીની બાતમીને આધારે અંકલેશ્વર શહેર પોલીસે ઝડપી પાડ્યો મહારાષ્ટ્રના પૂનાથી રાજસ્થાન જતી ટ્રાવેલ્સ ગાડી નંબર-આર.જે.૧૯.પી.બી.૪૧૨૩માં વિદેશી દારૂનો મોટો જથ્થો સંતાડી સુરત,અંકલેશ્વર અને અમદાવાદ થઈ રાજસ્થાન લઈ જવામાં આવી રહ્યો છે જેવી બાતમીના આધારે અંકલેશ્વર શહેર પોલીસે નેશનલ હાઇવે ઉપર નર્મદા બ્રિજ ટોલટેક્ષ પાસે વોચ ગોઠવી હતી. તે દરમિયાન બાતમી વાળી ટ્રાવેલ્સ આવતા પોલીસે તેને અટકાવી પાછળની ડેકીમાં તપાસ કરતાં વિદેશી દારૂની ૧૮૪ નંગ બોટલ મળી આવી હતી. પોલીસે રૂ. ૩૫ હજારનો દારૂ અને ત્રણ મોબાઈલ ફોન અને ગાડી મળી રૂ. ૧૦.૫૦ લાખથી વધુનો મુદ્દામાલ કબ્જે કર્યો હતો. તેમજ રાજસ્થાનના પાલી જિલ્લાના ખાખરો ગામમાં રહેતો ટ્રાવેલ્સ ચાલક તેજસિંગ ઉર્ફે તેજપાલ નેતસિંગ રાવત, ભેરુ ઉર્ફે ભેરો ગેપરરામ દેવાશી અને ગાડીના માલિક મૂલચંદ રામાકિશન મહેશ્વરીને ઝડપી પાડી આગળની કાર્યવાહી હાથ ધરી હતી. અંકલેશ્વર શહેર પોલીસે નેશનલ હાઇવે ઉપર નર્મદા બ્રિજ ટોલટેક્ષ પાસેથી મહારાષ્ટ્રથી રાજસ્થાન લઈ જવાતા વિદેશી દારૂ ભરેલી ટ્રાવેલ્સ સાથે ચાલક, ક્લિનર અને માલિકને રૂપિયા ૧૦.૫૦ લાખના મુદ્દામાલ સાથે ઝડપી પાડ્યા હતા.