રાજકોટ
રાજકોટના ધોરાજીના પાટણવાવની ૩૧ વર્ષીય પરિણીતાનો પ્રથમ પતિ દારૂની ટેવ ધરાવતો હોય તેણે ત્યાંથી છુટાછેડા લઇ લીધા હતા. બાદમાં મુળ તોરણીયાના પણ હાલ ઉપલેટાના સમઢીયાળા ગામે રહેતા ધર્મેશ પ્રવિણ ચુડાસમા સાથે પ્રેમલગ્ન કર્યા હતા. તા.૩૦-૧૦-૨૦૨૧ના રોજ છુટાછેડા થયા પછી ત્રણેક માસથી પરીણીતા ધર્મેશ ભેગી રહેતી હતી. પરિણીતાને આગલા ઘરવાળાથી એક દીકરી અને એક દીકરો હતો. જેમાં દીકરો તેના અગાઉના પતિ સાથે રહેતો હતો. જયારે ત્રણ વર્ષની દીકરી માતા સાથે રહેતી હતી. આ દરમિયાન સાવકા પિતાને દીકરી ગમતી નહોતી જે અણગમો હોવાથી આરોપી પીતા ધર્મેશ પ્રવીણ ચુડાસમા અને તેના કૌટુંબીક સગા સંજય ચીમન મુંછડીયા (રહે. પાટણવા, તા. ધોરાજી)એ ત્રણ વર્ષની બાળકીને ઢોર માર માર્યો હતો. બાળકીને ઢીકા પાટુનો માર મારવાની સાથે આરોપીઓએ પેટમાં લાતો મારી હતી અને વાસાના ભાગે તેમજ કપાળમાં ઇજા પહોંચાડી હતી. એટલું જ નહીં બંનેએ બાળકીને ગુપ્તભાગે ચિટલી ભરી હતી. જેથી બાળકીને ગુપ્તભાગે ઇજા પહોંચી હતી. ધર્મેશ તેનો સાવકો પિતા છે. મારા પહેલાં લગ્નમાં છુટાછેડા થઇ ગયા હતાં આ દીકરી મારી સાથે લગ્ન બાદ આવી હતી. જે મારા પતિને નહોતી ગમતી. ૭ ફેબ્રુઆરીના રોજ મારા પતિ અને નણદોઈ સંજય મૂછડિયાએ મારી દીકરીને ઢોર માર માર્યો હતો. ૧૭ દિવસથી મારી દીકરી ઘરે કણસતી હતી, છતાં મારો પતિ ધર્મેશ અને નણદોઈ સંજય મૂછડિયા દીકરીને હોસ્પિટલે જવા દેતો ન હતો. દીકરીની હાલત વધુ નાજુક થતા હું તેને સિવિલ હોસ્પિટલમાં સારવાર માટે લઈ આવી છું. સાવકા પિતા ધર્મેશે તેની પત્નીને આ સમગ્ર મામલા અંગે કોઇને પણ વાત કરશે તો જાનથી મારી નાંખવાની ધમકી આપી હતી. આથી હાલ માતાને મહિલા પોલીસની સુરક્ષામાં રાખવામાં આવી છે. જ્યારે સાવકા પિતાની અટકાયત કરીને પાટણવાવ પોલીસ સ્ટેશનમાં રાખવામાં આવ્યા છે.રાજકોટમાં માનવતાને શર્મશાર કરતો કિસ્સો સામે આવ્યો છે. જ્યાં ઉપલેટાના પાટણવાવ ગામે ૩ વર્ષની પુત્રી ઉપર સાવકા પિતા અને તેના સંબંધીએ જુલમ ગુજાર્યો છે. બાળકીના પેટમાં પાટા મારી ગુપ્ત ભાગે ચિટલી ભરી હોવાનું ખુલતા ગામમાં અરેરાટી વ્યાપી ગઈ છે. બાળકીની માતાએ પાટણવાવ પોલીસ મથકે ફરિયાદ આપતા પોકસો સહિતની કલમો હેઠળ સાવકા પિતા ધર્મેશ ચુડાસમા અને તેના સંબંધી સંજય મુછળીયા સામે ગુનો દાખલ થયો છે. આ તરફ ગુપ્તભાગે ઇજા પહોંચી હોય બાળકીને રાજકોટની સિવિલ હોસ્પિટલમાં સારવાર માટે ખસેડાઈ છે.
