લોનના નામે ચાલતી છેતરપિંડીને લઈ સુરત કોંગ્રેસ દ્વારા હેલ્પલાઈન નંબર જાહેર કરાયો

સુરત
સામાન્ય લોકો પાસે અમુક ફરિયાદ મળતાં ખબર પડી કે ગૂગલ પ્લે સ્ટોર પર એવી સેકડો એપ્લિકેન્સ છે જે ગેરકાયદેસર રીતે ફક્ત આધાર કાર્ડ અને પેન કાર્ડ અને આપની એક સેલ્ફી પર ૧૦૦૦ રૂપિયાથી લઈ ૫૦૦૦૦ રૂપિયા સુધી એક અઠવાડિયા માટે લોન આપે છે પણ આ લોન બદલ અઠવાડીયે ૪૦ ટકા, માસિક ૨૫૦, વાર્ષિક લગભગ ૨૪૦૦ ટકા જેટલું ગેરકાયદેસર વ્યાજ વસૂલ કરે છે. એપ્લિકેશન ડાઉનલોડ અને ઇન્સ્ટોલ કરતી વખતે બીજી એપોની જેમ આ એપ્લિકેશન દ્વારા તમારા ફોનની અમુક પરમિશન લઇ લે છે, જેના લીધે તમારા ફોન માં રહેલ તમામ ડેટા જેમકે આપણા કોન્ટેક્ટ, ફોટા ફોન અને બીજા ફોનમાં રહેલ ડેટા આ એપ્લિકેશનના સર્વરમાં પહોંચી જાય છે , અને પછી ૬ દિવસ પછી આવું માતબર વ્યાજ સાથે રકમ વ્યક્તિ જાે પાછી ના આપી શકે તો એને એના ફોનમાં રહેલ ડેટાના આધારે બ્લેમેઇલ કરવાનું ચાલુ કરાય છે હાલના દિવસોમાં સામાન્ય લોકો પાસેથી મળતી માહિતી મુજબ ગેરકાયદેસર લોન એપ્લીકેશન દ્વારા સામાન્ય લોકોને તેમની આર્થિક પરિસ્થિતિનો દુરઉપયોગ કરી તાત્કાલિક લોન એપ્રુવ કરી પૈસા તાત્કાલિક બેન્ક એકાઉન્ટમાં આવી લોન એપ્લીકેશન દ્વારા કરવામાં આવે છે, ત્યારબાદ પૈસાની ઉઘરાણીના કોલ્સ વારંવાર કરવામાં આવે છે, ત્યાર બાદ આવી લોન એપ્સ દ્વારા ખુબ જ પુષ્કળ પ્રમાણમાં આશરે માસિક ૨૦૦% સુધીનું વ્યાજ ઉધરાવવામાં આવે છે, જે તદ્દન ગેરકાયદેસર છે ઉપરાંત જે રકમ બેન્ક દ્વારા મંજુર કરવામાં આવે છે તેના કરતા અડધા રૂપિયા ખાતામાં જમા કરવામાં આવે છે અને સમય પૂરો થતા સંપૂર્ણ રૂપિયાની ચૂકવણી માટેની ગેરકાયદેસર રીતે ઉઘરાણી કરવામાં આવે છે. સાયબર ક્રાઇમમાં આ પ્રકારે ખૂબ જ મોટા પ્રમાણમાં યુવાનો ફસાઈ રહ્યા છે અને તે લોકોની મદદ કરવા માટે અમે એક હેલ્પલાઈન નંબર પણ જાહેર કર્યો છે. જેના થકી આવા યુવાનો અમારા સંપર્કમાં આવશે તો અમે આનો ઉકેલ લાવવા માટે પ્રયાસ કરીશું. સાઇબર ક્રાઇમ સહિત પોલીસ કમિશનર સાથે આ બાબતે ચર્ચા કરવામાં આવશે. આ પ્રશ્નને વિધાનસભામાં પણ અમારા વિરોધ પક્ષના નેતા દ્વારા ઉઠાવવામાં આવશે. કેન્દ્રમાં અમારા નેતાઓ આ બાબતે નાણા મંત્રાલયને પણ રજૂઆત કરશે.છેલ્લા બે વર્ષથી કોરોનાકાળમાં લોકોની આર્થિક પરિસ્થિતિ ખૂબ વિકટ બની ગઈ છે. દરમિયાન ગુગલ પ્લે સ્ટોર પર તત્કાળ લોન આપવાના નામે ચાલતી છેતરપિંડીને લઈને કોંગ્રેસ મેદાનમાં ઉતર્યું છે. લોનના નામે ફસાતા યુવાનોની મદદ માટે કોંગ્રેસ દ્વારા હેલ્પલાઇન નંબર ૯૯૦૪૬૭૦૬૯૬ જાહેર કર્યો છે.